MNP - ဖေဖော်ဝါရီ ၂၆
စစ်ကိုင်းတိုင်းဒေသကြီး၊ ခန္တီးမြို့တွင် မတ်လ(၂)ရက်နေ့တွင် ကျရောက်မည့် တောင်သူလယ် သမားနေ့အား ဂုဏ်ပြုကြိုဆိုသောအားဖြင့် ဟင်းသီးဟင်းရွက်၊ သစ်သီးဝလံနှင့်ပန်းမန် ပြပွဲ/ပြိုင်ပွဲ ကို ယနေ့ နံနက် (၁၀)နာရီအချိန်က ခန္တီးမြို့၊ ပေါမိုင်းရပ်ကွက်၊ အောင်သာယာရပ် တောင်သူ ဦးတင်ဝင်းနေအိမ်တွင် ပြုလုပ်ခဲ့ကြောင်း သိရသည်။
ရှေးဦးစွာ ခရိုင်စိုက်ပျိုးရေးဦးစီးမှူး ဦးနိုင်မော်လွင်က ပြပွဲ/ပြိုင်ပွဲ ပြုလုပ်ရခြင်း ရည်ရွယ်ချက်အား ရှင်းလင်းပြောကြာပြီး ခရိုင်စိုက်ပျိုးရေး ဦးစီးမှူးရုံးမှ စိုက်ပညာရှင်များက တောင်သူများသိသင့် သိထိုက်သည်များကို ဘာသာရပ်ဆိုင်ရာအလိုက် ရှင်းလင်းဆွေးနွေးခဲ့ကြသည်။
ထို့နောက်ပြပွဲ/ပြိုင်ပွဲတွင် ပါဝင်ယှဉ်ပြိုင်ခဲ့ကြပြီး ဆုရရှိသူများအား အသီးသီးဆုများချီးမြှင့်ခဲ့ကြပြီး တက်ရောက်လာသူများမှ ခင်းကျင်းပြသထားသည့် သစ်သီးဝလံများအား လိုက်လံကြည့်ရှုခဲ့ကြ သည်။
အဆိုပါ ဟင်းသီးဟင်းရွက်၊ သစ်သီးဝလံနှင့် ပန်းမန်ပြပွဲ/ပြိုင်ပွဲသို့ စစ်ဗျူဟာအခြေချ (ခန္တီး)မှ စစ်ဗျူဟာမှူး ဗိုလ်မှူးကြီး သက်ထူးစံ၊ ခရိုင်စီမံအုပ်ချုပ်ရေးအဖွဲ့ဥက္ကဋ္ဌ ဦးကိုကိုအောင်နှင့် အဖွဲ့ဝင် များ၊ သက်ဆိုင်ရာဌာနဆိုင်ရာ အကြီးအကဲများ၊ အောင်သာယာရပ်ရှိ တောင်သူများ တက်ရောက် ခဲ့ကြကြောင်း သိရသည်။
မြန်မာနေရှင်နယ်ပို့စ်
No comments:
Post a Comment