MNP - ဖေဖော်ဝါရီ ၂၅
မန္တလေးတိုင်းဒေသကြီး၊ ကျောက်ဆည်ခရိုင်၊ စဉ့်ကိုင်မြို့နယ် ကျေးလက်ဒေသဖွံ့ဖြိုးတိုးတက်ရေးဦးစီးဌာနမှ ကျေးလက်နေပြည်သူများ လူမှုဘဝဖွံ့ဖြိုး တိုးတက်လာစေရန်နှင့် မြို့ပြနှင့် ကျေးလက်ကွာဟမှု လျော့နည်းလာစေရေးအတွက် ရည်ရွယ်ပြီး ယမန်နေ့မွန်းလွဲ(၁) နာရီက ကျွန်းဦးကျေးရွာနှင့် ညောင်ပင်သာကျေးရွာတို့တွင် အသင်းသား/ အသင်းသူများအား (သတ္တမ) အကြိမ်မြောက် ချေးငွေကျပ် (၉၅၅၄၀၀၀ဝိ/-) ကျပ် ပြန်လည်ထုတ်ချေးပေးခဲ့ကြောင်း သိရသည်။
မြစိမ်းရောင်ကျေးရွာ စီမံကိန်းချေးငွေများ ထုတ်ချေးပေးရာတွင် ကျေးလက်ဒေသဖွံ့ဖြိုး တိုးတက်ရေးဦးစီးဌာန မြို့နယ်ဦးစီးမှူး ဦးအေးမင်းနိုင်က မြစိမ်းရောငကျေးရွာ စီမံကိန်း ချေးငွေများ (သတ္တမ)အကြိမ် ထုတ်ချေးပေးရခြင်းကို ရှင်းလင်းပြောကြားခဲ့ပြီး ဦးစီးအရာရှိ ဒေါ်တင်မြင့်ခိုင်နှင့် ဝန်ထမ်းများက ကျန်းမာရေးဝန်ကြီးဌာနက ထုတ်ပြန်ထားသည့် ကိုဗစ်-၁၉ ရောဂါ ကာကွယ်ရေးနည်းလမ်းများနှင့်အညီ ကျေးရွာပြည်သူများအား ထုတ်ချေးပေးခဲ့သည်။
စဉ့်ကိုင်မြို့နယ်တွင်၂ ၀၁၅-၂၀၁၆ ခုနှစ် ဘာရေးနှစ်တွင် ကျေးလက်ဒေသဖွံ့ဖြိုးတိုးတက်ရေး ဦးစီးဌာန အနေဖြင့် ကျေးရွာဖွံ့ဖြိုးတိုးတက်ရေး စီမံကိန်းဖြစ်သည့် ကျေးရွာများတွင် ကွန်ကရစ် လမ်း အဆင့်မြင့်တင်ခြင်း၊ ကျေးလက်ကုန်ထုတ်လမ်းများ ဖောက်လုပ်ခြင်းစသည့် ကျေးလက် ဖွံ့ဖြိုး တိုးတက်ရေးလုပ်ငန်းများ အကောင်အထည်ဖော် ဆောင်ရွက်လျှက်ရှိရာ ကျွန်းဦး ကျေးရွာ မြစိမ်းရောင်စီမံကိန်း အသင်းသား / အသင်းသူများအတွက် စိုက်ပျိုးရေး လုပ်ငန်း လုပ်ကိုင်သူ (၁၀၈)ဦးအား ရန်ပုံငွေကျပ် (၄၆၆၅၀၀၀၀)အား လည်းကောင်း၊ ညောင်ပင်သာ ကျေးရွာတွင် အသင်းသား /အသင်းသူ (၉၉)ဦးအား (၄၈၈၉၀၀၀၀) အား နေ့ချင်းဆပ်/ နေ့ချင်းထုတ် ချေးစနစ်ဖြင့် စုစုပေါင်း အသင်းသား / အသင်းသူ (၁၁၇)ဦး အတွက် ငွေကျပ်( ၉၅၅၄၀၀၀၀) ကျပ်ကို သတ္တမအကြိမ် ပြန်လည်ထုတ်ချေးပေးခဲ့ကြောင်း သိရသည်။
သတင်း - ညိုညိုဝင်း
မြန်မာနေရှင်နယ်ပို့စ်
No comments:
Post a Comment