MNP - ဖေဖော်ဝါရီ ၂၀
မန္တလေးတိုင်းဒေသကြီး၊ ကျောက်ဆည်မြို့နယ်တွင် ကိုဗစ်-၁၉ ရောဂါ ကာကွယ်ဆေးများနှင့် ထပ်ဆောင်း ကာကွယ်ဆေးများ ထိုးနှံပေးခြင်းကို ယနေ့ နံနက်(၉)နာရီခွဲက စုကြီးထန်းတော ရပ်ကွက်မြို့တော်ခန်းမတွင် ဆက်လက်ထိုးနှံပေးလျက်ရာ ထပ်ဆောင်းကိုဗစ်-၁၉ ရောဂါ ကာကွယ်ဆေးထိုးပြီးသူ (၁၉၄၀)ဦးရှိကြောင်း သိရှိရသည်။
ထပ်ဆောင်းကိုဗစ်-၁၉ ရောဂါ ကာကွယ်ဆေးများ ထိုးနှံပေးရာတွင် ရဲတပ်ဖွဲ့ဝင် (၁၅၆)ဦး၊ ပညာရေး ဝန်ထမ်း(၄၉၀)ဦး၊ အသက် (၅၀)နှင့် အထက် နိုင်ငံ့ဝန်ထမ်း(၈၇၆)ဦးနှင့် အသက်(၆၅)နှစ်အထက် ပြည်သူ (၄၁၈)ဦး စုစုပေါင်း (၁၉၄၀)ဦး ထိုးနှံပေးပြီးဖြစ်ကြောင်း မြို့နယ်ကိုဗစ်-၁၉ ရောဂါ ကာကွယ်ထိန်းချုပ်ရေးနှင့် အရေးပေါ်တုံ့ပြန်ရေးကော်မတီ မှ သိရှိရသည်။
ကျောက်ဆည်မြို့နယ်တွင် ကိုဗစ်-၁၉ ရောဂါ ကွယ်ဆေးများနှင့် ထပ်ဆောင်းကာကွယ်ဆေးများ ထိုးနှံရာတွင် ပြည်သူများ အဆင်ပြေစေရေး အထွေထွေအုပ်ချုပ်ရေးဝန်ထမ်းများ၊ ကျန်းမာရေးဝန်ထမ်းများ၊ မီးသတ် တပ်ဖွဲ့ဝင်များ၊ ကြက်ခြေနီတပ်ဖွဲ့ဝင်များ၊ လူမှုရေးအသင်းအဖွဲ့ဝင်များ ပူးပေါင်းပြီး စနစ်တကျ ထိုးနှံပေး လျက်ရှိကြောင်း သိရှိရသည်။
သတင်း - သက်မောင်
မြန်မာနေရှင်နယ်ပို့စ်
No comments:
Post a Comment