MNP - ဖေဖော်ဝါရီ ၄
မန္တလေးတိုင်းဒေသကြီး၊ ကျောက်ဆည်မြို့နယ်တွင် နိုင်ငံသားစိစစ်ရေးကတ် မရှိသူများအား ပန်းခင်းစီမံချက် ဖြင့် လူဝင်မှုကြီးကြပ်ရေးနှင့် ပြည်သူ့အင်အားဝန်ကြီးဌာန၊ မြို့နယ်ဦးစီးမှူးရုံးမှ နိုင်ငံသားစိစစ်ရေးကတ်များ ဆောင်ရွက်ပေးလျက်ရှိရာ ပြည်သူ (၁၃၁၆၆) ဦး ဆောင်ရွက်ပေးပြီးဖြစ်ကြောင်း သိရသည်။
ထိုသို့ နိုင်ငံသားစိစစ်ရေးကတ်များပြုလုပ်ပေးရာတွင် လူဝင်မှုကြီးကြပ်ရေးနှင့် ပြည်သူ့အင်အား ဝန်ကြီးဌာန၊ မြို့နယ်ဦးစီးမှူးရုံးမှ ဦးစီးအရာရှိ ဦးအောင်ထားရွှေဦးဆောင်မှုဖြင့် ဝန်ထမ်းများက ဖောင်ရွာ၊ ငါးအိုး၊ ကျီးအိပ်၊ ကျောက်ဆည်ကုန်း၊ ကိုးပင်၊ ကြောင်ရွာ၊ မှိုင်းပန်၊ ပတ္တာ၊ အနောက်သာဂရ၊ သီးပင်ကျေးရွာ များတွင် အိမ်တိုင်ယာရောက်ကွင်းဆင်းခဲ့ပြီး နိုင်ငံသားစိစစ်ရေးကတ်မရှိသေးသူများအား စာရင်းကောက်ယူခဲ့ပြီး ဆောင်ရွက်ပေးလျက်ရှိပြီး ဦးစီးမှူးရုံးတွင်လည်း ဆောင်ရွက်ပေးလျက်ရှိကြောင်း သိရသည်။
ကျောက်ဆည်မြို့နယ်တွင် လူမှုဘဝပြည့်စုံဖို့ နိုင်ငံသားကတ်ကိုင်ကြစို့ ဆောင်ပုဒ်နှင့်အညီ နိုင်ငံသား စိစစ်ရေး ကတ်မရှိသေးသည့် ပြည်သူများအား ပန်းခင်းစီမံချက်ဖြင့် ၂၀၂၁ ခုနှစ် မေလ ၃ ရက်နေ့မှ စတင်ဆောင်ရွက် ပေးလျက်ရှိရာ လူဦးရေ(၁၃၁၆၆)ဦး ဆောင်ရွက်ပေးပြီးဖြစ်ကြောင်း လူဝင်မှုကြီးကြပ်ရေးနှင့် ပြည်သူ့အင်အား ဝန်ကြီးဌာန၊ မြို့နယ်ဦးစီးမှူးရုံးမှ သိရသည်။
သတင်း - သက်မောင်
https://t.me/MyanmarNationalPost
www.mnpnewsagency.com
No comments:
Post a Comment