MNP - ဖေဖော်ဝါရီ ၁၆
ရှမ်းပြည်နယ်(အရှေ့ပိုင်း) တာချီလိတ်ခရိုင်၊ မိုင်းဖြတ်မြို့နယ်တွင် မြို့နယ်အုပ်ချုပ်ရေးမှူးဖလား အသက်(၂၅) နှစ်အောက် အမျိုးသားဖူဆယ်ဘောလုံးပြိုင်ပွဲ ဗိုလ်လုပွဲနှင့်ဆုချီးမြှင့်ခြင်းအခမ်းအနားကို ယမန်နေ့ ညနေ ၄ နာရီက မြို့မအားကစားကွင်း၌ ကျင်းပပြုလုပ်ခဲ့ကြောင်း သိရသည်။
ရှေးဦးစွာ ဖူဆယ်ဘောလုံးပြိုင်ပွဲဗိုလ်လုပွဲကို RK Unitedနှင့် ချင်းလူငယ်အသင်းတို့ ဗိုလ်လုပွဲကို ယှဉ်ပြိုင်ကစားကြရာ RK United အသင်းက ၄ဂိုး ၂ဂိုးဖြင့်အနိုင်ရ ဗိုလ်စွဲခဲ့ကြောင်းသိရသည်။ ဆက်လက်၍ ဆုချီးမြှင့်ခြင်းအခမ်းအနားကို ကျင်းပပြုလုပ်ရာ မြို့နယ်အုပ်ချုပ်ရေးမှူး ဦးညီညီအောင်နှင့် တာဝန်ရှိသူများက ပထမဆုရရှိသည့် RK United ၊ ဒုတိယဆုရရှိသည့် ချင်းလူငယ်နှင့် တတိယဆုရရှိသည့် ကွက်သစ် လူငယ်အသင်းတို့ကို ဆုဖလားနှင့် ဂုဏ်ပြုဆုများကို အသီးသီးပေးအပ်ချီးမြှင့်ခဲ့ကြောင်း သိရသည်။
အဆိုပါ ဖူဆယ်ဘောလုံးပြိုင်ပွဲကို ဖေဖော်ဝါရီလ ၁၀ရက်က စတင်ယှဉ်ပြိုင်ကစားကြရာ အသင်းပေါင်း (၁၄) သင်း ပါဝင်ယှဉ်ပြိုင်စားခဲ့ကြောင်း သိရသည်။
မြန်မာနေရှင်နယ်ပို့စ်
No comments:
Post a Comment