MNP - ဖေဖော်ဝါရီ ၅
မွန်ပြည်နယ်၊ ချောင်းဆုံမြို့နယ်အတွင်းရှိ အသက်(၈၅)နှစ်နှင့်အထက် အဘိုးအဘွားများအား ၂၀၂၁-၂၀၂၂ ဘဏ္ဍာရေးနှစ်အတွင်း ပထမသုံးလပတ်အတွက် လူမှုရေးပင်စင်ထောက်ပံ့ကြေးငွေများ ပေးအပ်ခြင်းကို ဖေဖော်ဝါရီ ၃ ရက်နေ့က ရပ်ကွက်ကျေးရွာအုပ်စု စာရေးများမှ အိမ်တိုင်ရာ ရောက်ပေးအပ်ခဲ့ကြသည်။
အဆိုပါ ထောက်ပံ့ငွေများကို အသက်(၈၅)နှစ်နှင့်အထက် ဘိုးဘွား(၉၇၉) ဦးတို့အတွက် တစ်ဦးလျှင် ငွေကျပ် (၃၀၀၀၀)ကျပ်နှုန်းဖြင့် ထောက်ပံ့ငွေစုစုပေါင်းငွေကျပ် (၂၉၃၇၀၀၀၀)အား သက်ဆိုင်ရာ ရပ်/ ကျေး အုပ်ချုပ်ရေးမှူးများမှတစ်ဆင့် အဘိုးအဘွားများ ၏ လက်ဝယ်အရောက် သွားရောက် ပေးအပ်ခဲ့ကြကြောင်း သိရသည်။
https://t.me/MyanmarNationalPost
www.mnpnewsagency.com
No comments:
Post a Comment