MNP - ဖေဖော်ဝါရီ ၃
မွန်ပြည်နယ်၊ မော်လမြိုင်ခရိုင်၊ ရေးမြို့နယ်တွင် ကလေးငယ်များအား ကျန်းမာသန်စွမ်းစေရန်နှင့် ကူးစက်ရောဂါတို့မှ ကင်းဝေးစေရန်အတွက် ရည်ရွယ်၍ မွေးစမှ အသက်(၂)အောက် ကလေးငယ်များအား ပုံမှန်ကာကွယ်ဆေး ထိုးနှံတိုက်ကျွေးခြင်းကို ဖေဖော်ဝါရီ ၁ ရက်နေ့ နံနက် ၉ နာရီအချိန်က တိုင်းရင်းသား စည်းလုံးညီညွတ်ရေး ရုံးခန်းမ၌ ဆောင်ရွက်ခဲ့ကြသည်။
အဆိုပါ ပုံမှန်ကာကွယ်ဆေး ထိုးနှံတိုက်ကျွေးခြင်းကို ကျန်းမာရေး ဦးစီးဌာနမှ ဆရာမများက မွေးစမှ အသက်(၂)နှစ်အောက် ကလေးငယ်များအား ဆုံဆို့နာ၊ ကြက်ညာ ချောင်းဆိုး၊ မေးခိုင်ရောဂါ၊ အသည်းရောင် အသားဝါဘီရောဂါနှင့် ဦးနှောက် အမြှေးရောင်ရောဂါ၊ ပိုလီယိုရောဂါများကို ကာကွယ် နိုင်ရန်အတွက် ကာကွယ်ဆေးထိုးနှံခြင်း/ တိုက်ကျွေးခြင်းနှင့် ကိုယ်ဝန်ဆောင် မိခင်များအား ကာကွယ်ဆေး ဆက်လက် ထိုးနှံပေးခြင်း လုပ်ငန်းများကို ဆောင်ရွက်ခဲ့ကြသည်။
ထို့နောက် မြို့နယ်မိခင်နှင့်ကလး စောင့်ရှောက်ရေး အသင်းဥက္ကဋ္ဌ ဒေါ်မြစန္ဒာညိုမှ ကာကွယ်ဆေး တိုက်ကျွေးမှုများကို ကိုဗစ်-၁၉ရောဂါ ကာကွယ်ရေး ညွှန်ကြားချက်များ နှင့်အညီ ဆောင်ရွက်ကြရန် မှာကြားခဲ့ပြီး မိခင်များကို အားပေးစကားများ ပြောကြားခဲ့ကြောင်း သိရသည်။
သတင်း - သီမိုး
https://t.me/MyanmarNationalPost
www.mnpnewsagency.com
No comments:
Post a Comment