MNP ၊ ဖေဖော်ဝါရီ ၂၆
ကိုဗစ်စတုတ္ထလှိုင်းအတွင်း သေဆုံးသူ၏ ၈၈ရာခိုင်နှုန်းမှာ ကာကွယ်ဆေးမထိုးသော အသက် ၆၀ကျော်များဖြစ်ကြောင်း ကျန်းမာရေးဝန်ကြီးဌာန၊ဗဟိုကူးစက်ရောဂါတိုက်ဖျက်ရေးဌာနခွဲ၊ ညွှန်ကြားရေးမှူး ဒေါက်တာခင်ခင်ကြီးက ပြောကြားသည်။
ဖေဖော်ဝါရီ ၂၅ရက်နေ့အထိ ကိုဗစ်စတုတ္ထလှိုင်းအတွင်း သေဆုံးသူ ၄၃ ဦးရှိအနက် ၃၈ ဦးမှာ ကာကွယ်ဆေးမထိုးထားသော အသက် ၆၀ ကျော်ဖြစ်သည်အတွက် ၈၈% ကျော်ရှိနေပြီ သတိပြုကြရန် လိုကြောင်း ဒေါက်တာခင်ခင်ကြီးက ပြောကြားသည်။
ထို့ကြောင့် အသက် ၆၀ကျော်အရွယ် မိဘများအား ကာကွယ်ဆေးထိုးသည့်နေရာသို့ ပို့ဆောင်၍ ဆေးထိုးဖြစ်အောင်တိုက်တွန်းရန် သားသမီးများတွင် တာဝန်ရှိကြောင်း ဒေါက်တာခင်ခင်ကြီးက ဆိုသည်။
မြန်မာနိုင်ငံတွင် ဖေဖော်ဝါရီ ၂၄ရက်၊ ည (၈) နာရီမှ ဖေဖော်ဝါရီ(၂၅) ရက်နေ့၊ ည (၈) နာရီအတွင်း ဓာတ်ခွဲနမူနာစုစုပေါင်း (၂၇,၁၅၈) ခုအား စစ်ဆေးပြီးစီးခဲ့ရာ COVID-19 ရောဂါ ဓာတ်ခွဲအတည်ပြုလူနာသစ် (၃,၃၉၁) ဦး တွေ့ရှိပြီး သေဆုံးသူ (၃) ဦး ရှိကြောင်း ကျန်းမာရေးဝန်ကြီးဌာနက သတင်းထုတ်ပြန်ထားသည်။
https://t.me/MyanmarNationalPost
No comments:
Post a Comment