MNP - ဖေဖော်ဝါရီ ၂၂
ရှမ်းပြည်နယ်၊ ပလောင်ကိုယ်ပိုင်အုပ်ချုပ်ခွင့်ရဒေသ၊ နမ့်ဆန်မြို့နယ်တွင် အသက်(၁၂)နှစ်နှင့်အထက် ကိုဗစ်-၁၉ရောဂါ ကာကွယ် ဆေးထိုးနှံရမည့်ကျောင်းသူ/ကျောင်းသားများကို ယနေ့နံနက် (၉)နာရီက မြို့နယ်ပြည်သူ့ဆေးရုံ၌ ကာကွယ်ဆေးများ ဆက်လက် ထိုးနှံပေးခဲ့သည်။
အဆိုပါ ကာကွယ်ဆေးထိုးနှံမှုတွင် ကျောင်းသား/ကျောင်းသူ (၃၀)ဦးကို Sinovac ကိုဗစ်-၁၉ရောဂါ ကာကွယ်ဆေးများ ထိုးနှံပေးခဲ့ပြီး ကျေးရွာအုပ်စုများတွင်ရှိနေသည့် ကာကွယ်ဆေးထိုးရန် ကျန်ရှိသော ကျောင်းသား/ကျောင်းသူများကိုလည်း ဆက်လက်ထိုးနှံ ပေးသွားမည်ဖြစ်သည်။
နမ့်ဆန်မြို့နယ်အတွင်း ကိုဗစ်-၁၉ရောဂါ ကာကွယ်ဆေးထိုးနှံမှုတွင် ယနေ့အထိ အသက်(၁၂)နှစ် အထက်ကာကွယ်ဆေးထိုးနှံပြီးသူ (၃၈၆)ဦးရှိပြီး ကာကွယ်ဆေးများ ထိုးနှံနိုင်ရေးအတွက် မြို့နယ်ပြည်သူ့ ဆေးရုံကာကွယ်ဆေးထိုးစုရပ်၌ တာဝန်ရှိသူများက နေ့စဉ် ဆက်လက် ထိုးနှံပေးလျက်ရှိကြောင်း သိရသည်။
မြန်မာနေရှင်နယ်ပို့စ်
No comments:
Post a Comment