MNP - ဖေဖော်ဝါရီ ၄
မွန်ပြည်နယ်၊ ကျိုက်မရောမြို့နယ်တွင် (၇၅)နှစ်မြောက် စိန်ရတုပြည်ထောင်စုနေ့ကို ကြိုဆို ဂုဏ်ပြုသောအားဖြင့် အတ္တရံရပ်ကွက် အုပ်ချုပ်ရေးမှူးရုံး အဆောက်အဦသစ်ဖွင့်ပွဲကို ယမန်နေ့ နံနက်ပိုင်းက ကျင်းပသည်။
အခမ်းအနားတွင် မြို့နယ်စီမံအုပ်ချုပ်ရေးအဖွဲ့ဥက္ကဌဋ္ဌ ခေတ္တအုပ်ချုပ်ရေးမှူး ဦးမင်းသိန်း က ၂၀၂၁-၂၀၂၂ဘဏ္ဍာရေးနှစ် ပြည်နယ်ခွင့်ပြုရန်ပုံငွေကျပ်(၂၅.၈၀)သန်းဖြင့် ဆောက်လုပ် ပြီးစီးခဲ့သော အတ္တရံရပ်ကွက်အုပ်ချုပ်ရေးမှူးရုံး အဆောက်အဦသစ်ကို စိန်ရတု ပြည်ထောင်စုနေ့ကို ကြိုဆိုဂုဏ်ပြုသည့်အနေဖြင့် ဖွင့်လှစ်ခြင်းဖြစ်ကြောင်း ပြောကြားသည်။
ထို့နောက် ဆောက်လုပ်ရေးဆိုင်ရာ အချက်အလက်များကို ရင်မျိုးဆက် ကုမ္ပဏီလီမိတက်မှ တာဝန်ခံအင်ဂျင်နီယာ ဦးမိုးမြင့်အောင် က ရှင်းလင်းတင်ပြပြီး ရပ်ကွက်အုပ်ချုပ်ရေးမှူး ဦးဇော်လင်းဦးက ကျေးဇူးတင်စကားပြောကြားခဲ့သည်။
အဆိုပါ အတ္ထရံရပ်ကွက်အုပ်ချုပ်ရေးမှူးရုံး အဆောက်အဦသစ်မှာ အလျား (၃၆ပေ×အနံ၂၆)ပေရှိပြီး RC တစ်ထပ် အဆောက်အဦ ဖြစ်ကာ ရင်မျိုးဆက်ကုမ္ပဏီမှ တာဝန်ယူ တည်ဆောက်ခဲ့ခြင်း ဖြစ်ကြောင်း သိရသည်။
သတင်း - ချိုမြတ်မြတ်ထွေး
https://t.me/MyanmarNationalPost
www.mnpnewsagency.com
No comments:
Post a Comment