MNP - ဖေဖော်ဝါရီ ၁၈
မကွေးတိုင်းဒေသကြီး၊ နတ်မောက်မြို့နယ်တွင် မြို့မစည်ပင်သာယာဈေးအသစ်ပြန်လည်တည်ဆောက်ခြင်း (၈၀ ရာခိုင်နှုန်း) ပြီးစီးပြီဖြစ် ကြောင်း သိရသည်။
အဆိုပါ မြို့မစည်ပင်သာယာဈေးကြီးသည် နိုဝင်ဘာ(၁၃) ရက်နေ့တွင် စတင်မီးလောင်ခဲ့ပြီး ၊ ဒီဇင်ဘာ (၇) ရက်နေ့တွင် အသစ်ပြန်လည်တည်ဆောက်ခဲ့ပြီး ၂၀၂၁-၂၀၂၂ ဘဏ္ဍာရေးနှစ် (မီနီ ဘက်ဂျက်)တွင် တိုင်းဒေသကြီးအစိုးရထောက်ပံ့ငွေ သိန်း (၅၅၀၀)ကျပ် ဖြင့် တည်ဆောက်လျက် ရှိသည်။
ထိုသို့တည်ဆောက်ရာတွင် ဈေးဆိုင်ခန်းသစ်ဆောက်လုပ်ခြင်း (၂၂) ရုံ၊ အသားငါးဆိုင်ခန်း (၁)ရုံ၊ မြို့မဈေးအတွင်း တောင်/မြောက်လမ်းသွယ်(၁) မူလ(၁၂ပေ) အကျယ်လမ်းအား (၂၄ပေ)အကျယ် ကွန်ကရစ် လမ်းသားချဲ့ခြင်း၊ မြို့မဈေးအတွင်း တောင်/မြောက် လမ်းသွယ်(၁) လမ်း အရှေ့ ဘက်ခြမ်း အုတ်ရေမြောင်းဆောက်လုပ်ခြင်းနှင့် ရေမြောင်းပြုလုပ်ခြင်းများ လုပ်ငန်းများဆောင်ရွက်လျက်ရှိသည်။
အဆိုပါ မြို့မဈေးကြီးတွင် ၈ ပေ ၆ ပေ ဆိုင်ခန်းပေါင်း (၄၇၈)ခန်း တည်ဆောက်ထားရှိပြီး၊ ၂၀၂၂ခုနှစ် မတ်လကုန်မှစ၍ ယာယီဈေးမှဈေးသည်များအား မြို့မစည်ပင်သာယာဈေးအတွင်းသို့ ပြန်လည်ရောင်းချခွင့်ပြုရန် စီစဉ်ဆောင်ရွက်သွားမည်ဖြစ်ကြောင်း သိရသည်။
သတင်း - သင်းသင်းမြတ်
မြန်မာနေရှင်နယ်ပို့စ်
No comments:
Post a Comment