MNP - ဖေဖော်ဝါရီ ၄
စစ်ကိုင်းတိုင်းဒေသကြီး၊ ရွှေဘိုမြို့ အမှတ်(၂) အခြေခံပညာအထက်တန်းကျောင်း၊ ဘောလုံးကွင်းအတွင်း ဖေဖော်ဝါရီ ၄ ရက်၊နံနက် ၉ နာရီအချိန်က(၇၅)နှစ်မြောက် စိန်ရတုပြည်ထောင်စုနေ့အထိမ်းအမှတ် ဆန်ကောရွက်ပြိုင်ပွဲ(မ)၊ အာလူးကောက်ပြိုင်ပွဲ(မ)၊ ပီနံအိတ် စွတ်အပြေးပြိုင်ပွဲ(ကျား၊မ) မီတာ ၁၀၀ (ကျား၊မ)နှင့်မီတာ ၂၀၀ ကျားမပြိုင်ပွဲများကျင်းပရာ ကျောင်းအုပ်ဆရာကြီး၊ဆရာ/ဆရာမများနှင့် ကျောင်းသား၊ကျောင်သူများက ကြည့်ရှုအားပေး ခဲ့ကြောင်း သိရသည်။
ထို့နောက် အားကစားပြိုင်ပွဲများကျင်းပရခြင်းအကြောင်းကို ကျောင်းအုပ်ဆရာကြီး ဦးကျော်ကျော်ဦးက ကျောင်းသား၊ကျောင်းသူများ ဉာဏ သာမက ကာယပါ ပြည့်စုံစေရန် ၊ပြည်ထောင်စုနေ့ကို အမြဲသတိတရရှိစေရန် အချင်းချင်းပူးပေါင်းဆောင်ရွက်တတ်စေရန် စသည့် ရည်ရွယ်ချက်များဖြင့် ကျင်းပပေးခြင်းဖြစ်ကြောင်း ပြောကြားသည်။ ဆက်လက်ပြီး ပြိုင်ပွဲများတွင် ဆုရရှိသူများကို ဆုများပေးအပ်ချီးမြှင့်ခဲ့ကြောင်း သိရသည်။
သတင်း - စိုးသီဟ
https://t.me/MyanmarNationalPost
www.mnpnewsagency.com
No comments:
Post a Comment