MNP - ဖေဖော်ဝါရီ ၅
စစ်ကိုင်းတိုင်းဒေသကြီး၊ ရွှေဘိုမြို့ အမှတ်(၁၀)ရပ်ကွက်၊ ပေါ်ဦးလမ်း၊ တံတားနက်အနီးတွင် ယနေ့ နံနက ၇ နာရီအချိန်က (၇၅)နှစ်မြောက် စိန်ရတုပြည်ထောင်စုနေ့ကို ဂုဏ်ပြုကြိုဆိုသောအားဖြင့် ရွှေဘိုမြို့တွင်း အထူးသန့်ရှင်းရေး စုပေါင်းသန့်ရှင်းရေးကို ဆောင်ရွက်ခဲ့ကြောင်း သိရသည်။
စုပေါင်းသန့်ရှင်းရေးနှင့်ပတ်သက်ပြီး ရွှေဘိုမြို့နယ်စီမံအုပ်ချုပ်ရေးအဖွဲ့ဥက္ကဋ္ဌ ဦးဇော်မျိုးဝင်း က ယခင်ကလည်း အပတ်စဉ် စနေနေ့တိုင်း စုပေါင်းသန့်ရှင်းရေးကို ဆောင်ရွက်ခဲ့ကြောင်း၊ ယခုတစ်ပတ်စနေကတော့ (၇၅)နှစ်မြောက် စိန်ရတု ပြည်ထောင်စုနေ့ ကို ဂုဏ်ပြုကြိုဆိုသောအားဖြင့် အထူးသန့်ရှင်းရေးကို ဆောင်ရွက်ခြင်းဖြစ်ကြောင်း ပြောကြားသည်။
ဆက်လက်ပြီး ရွှေဘိုမြို့နယ်စည်ပင်သာယာရေးအဖွဲ့၊ အမှုဆောင်အရာရှိ ဦးသန်းဦး က သန့်ရှင်းရေးနှင့်ပတ်သက်ပြီး အထူး သန့်ရှင်းရေးဆိုတဲ့အတိုင်း ယခင်လို အမှိုက်ကောက်တာမျိုးမဟုတ်ပဲ ပေါ်ဦးလမ်းဘေး ဝဲ/ယာချုံများကို ခုတ်ထွင်ရှင်းလင်းမီးပြီး စနစ်တကျ မီးရှိုခြင်း၊ တံတားအဆင်းလမ်း လမ်းအူကြောင်းချဲ့ထွင်ပေးခြင်းများကို ဌာန ဆိုင်ရာဝန်ထမ်းများ၊ ပရဟိတအသင်းများနှင့် ပူးပေါင်းဆောင်ရွက်ခြင်း ဖြစ်ကြောင်း ပြောကြားခဲ့သည်။
ယနေ့သန့်ရှင်းရေးကို ခရိုင်အဆင့်ဌာနဆိုင်ရာများ၊ မြို့နယ်အဆင့်ဌာနဆိုင်ရာများ၊ ရွှေဘိုမြို့ပေါ် ပရဟိတအသင်းများ စုစုပေါင်း လူဦးရေ ၁၅၀ ခန့် စုပေါင်းသန့်ရှင်းရေး ဆောင်ရွက်ခဲ့ကြောင်း သိရသည်။
သတင်း - စိုးသီဟ
https://t.me/MyanmarNationalPost
www.mnpnewsagency.com
No comments:
Post a Comment