နီယို ( ဖေ ၂၁ )
ရုရှားက သာ ယူကရိန်းကို မကျူးကျော်ဘူး ဆိုရင် လာမယ့် တနင်္ဂနွေမှာ အမေရိကန်သမ္မတ ဂျိုးဘိုင်ဒန်က ရုရှားသမ္မတ ဗလာဒီမာပူတင်ကို တွေ့ဆုံပြီး ထိပ်သီးချင်းဆွေးနွေးပွဲ ပြုလုပ်သွားဖွယ်ရာရှိနေတယ်လို့ အိမ်ဖြူတော်အသိုင်းအဝိုင်းက သတင်းစကားထွက်လာပါတယ်။
အရင်ဆုံး ရုရှားဖက်ကသာ ယူကရိန်းကို မကျူးကျော်ပါဘူးဆိုတဲ့ ကတိစကားကို ရပါက ဘိုင်ဒန်က မော်စကိုကိုလာပြီး ပူတင်နဲ့ တွေ့ဆုံမယ်လို့ ဆိုထားကြောင်းသတင်းစကားထွက်လာတာပါ။
“ သမ္မတကြီးကိုယ်တိုင် မကြာခဏပြောတာပါ။ သူ့အနေနဲ့ သံတမန်ရေးရာ စကားပြောတဲ့ ကိစ္စကို စိတ်ဝင် စားပါတယ်။ ရုရှားဖက်ကသာ သူ့အိမ်နီးချင်းကို မကျူးကျော်ဖို့ က အရေးကြီးပါတယ်”လို့ အိမ်ဖြူတော် ပြန်ကြားရေး အရာရှိ ဂျန်ပီဆာကီက ဆိုပါတယ်။
လာမယ့် ကြာသပတေးနေ့မှာ ပြင်သစ်သမ္မတ မာခွန် လုပ်တဲ့ပွဲကို အမေရိကန်နိုင်ငံခြားရေး ဝန်ကြီး အန်တိုနီဘလင်ကင်နဲ့ ရုရှား နိုင်ငံခြားရေးဝန်ကြီး ဆာဂျီလာရောဗ် တို့ တက်ရောက်ကြမှာ ဖြစ်ပါတယ်။
“ ကျနော်တို့ကတော့ ဒစ်ပလိုမေစီ လမ်းကြောင်း ကို ဘယ်တော့မှ စွန့် မှာမဟုတ်ပါဘူး ။ တကယ်လို့ ရုရှားက စစ်ကိုရွေးချင်တယ်ဆိုရင်လည်း မတားပါဘူး ။ သူတို့ ထက်ပိုဆိုးတဲ့ တုန့်ပြန်မှုတွေနဲ့ ရင်ဆိုင်သွားမှာပါ။ လက်ရှိအနေအထားကလည်း ရုရှားက ယူကရိန်းကို အဖက်ဖက်ကနေ ထိုးစစ်ဆင်ဖို့လုပ်နေပါတယ်။ အဲ့ဒိအတွက်လည်း ကျနော်တို့ ဖက်က ရယ်ဒီပါပဲ” လို့ အိမ်ဖြူတော် အရာရှိက ဆိုပါတယ်။
ပြင်သစ်သမ္မတရုံးကတော့ အမေရိကန်- ရုရှား နိုင်ငံခြားရေးဝန်ကြီးတွေ တွေ့ ဆုံလို့ရအောင် သူတို့ စီစဉ်ပေးမယ်။ ပွဲ ဖြစ်တယ်ဆိုရင် သမ္မတ အချင်းချင်း တွေ့နိုင်အောင် လုပ်ပေးဦးမယ်လို့ ဆိုထားပါတယ်။
အဲ့ဒိတွေ့ ဆုံမှုတွေ မပြီးမချင်း ယူကရိန်းကို မကျူးကျော်ဖို့ အတွက် ရုရှားဖက်ကို တောင်ဆိုးမှုတွေ လုပ်ထားတယ်လို့ ပြင်သစ်ဖက်က ဆိုထားပါတယ်။
REF: UPI Photo : UPI
မြန်မာနေရှင်နယ်ပို့စ်
No comments:
Post a Comment