MNP - ဖေဖော်ဝါရီ ၅
ရှမ်းပြည်နယ်(တောင်ပိုင်း)၊ လွိုင်လင်ခရိုင်၊ မိုင်းနောင်မြို့အတွင်းရှိ ကလေးငယ်များအား ပုံမှန်ကာကွယ်ဆေးထိုးခြင်း၊ တိုက်ကျွေးခြင်း လုပ်ငန်းများကို ယမန်နေ့ နံနက်(၈)နာရီအချိန်က တိုက်နယ်ကျန်းမာရေးဌာနတွင် ဆောင်ရွက်ခဲ့သည်။
မိုင်းနောင်မြို့တိုက်နယ် ကျန်းမာရေးဌာနမှ ဝန်ထမ်းများသည် မြို့ပေါ်ရပ်ကွက်နှင့် တပ်ရင်းတပ်ဖွဲ့များအား ငှက်ဖျား၊ AIDS နှင့် အခြားရောဂါများ ရှိ/မရှိ စစ်ဆေးပေးခြင်း၊ အသက်(၂)လမှ (၁)နှစ်ခွဲအထိ ကလေးငယ်များအား ငါးမျိုးစပ် ကာကွယ်ဆေး၊ ပြင်းထန်ဝမ်းပျက်ဝမ်းလျှော(ရိုတာ)ဆေး၊ ပြင်းထန်အဆုတ်ရောင်၊ ဂျပန်ဦးနှောက်ရောင်၊ ဝက်သက်ဂျိုက်သိုး ကာကွယ်ဆေးများ၊ ပိုလီယိုရောဂါကာကွယ်ဆေးများ ထိုးနှံခြင်း၊ တိုက်ကျွေးခြင်း၊ အသက်(၉)နှစ်မှ(၁၀)နှစ်ထိ အမျိုးသမီးငယ်များအား သားအိမ်ခေါင်း ကင်ဆာ ကာကွယ်ဆေးများ ထိုးနှံပေးကြောင်း သိရသည်။
ထိုသို့ဆောင်ရွက်ရာတွင် ကလေးငယ်နှင့်အမျိုးသမီးငယ်များ(၅၃)ဦး လာရောက်ထိုးနှံ၍ ဆေးတိုက်ကျွေးခဲ့ကြောင်း သိရသည်။
သတင်း- မနန်း
https://t.me/MyanmarNationalPost
www.mnpnewsagency.com
No comments:
Post a Comment