MNP ၊ ဖေဖော်ဝါရီ ၂၇
ရခိုင်ပြည်နယ် ၊ မောင်တောမြို့၌ ဖျားနာ ၊ချောင်းဆိုး၊ နေမကောင်း၍ မောင်တော ပြည်သူ့ ဆေးရုံသို့ လာရောက် ပြသခဲ့သူ အသက်(၅၀)နှစ်အရွယ် အမျိုးသမီးတစ်ဦးအား ယမန်နေ့က Rapid Diagnostic Test (RDT) ဖြင့် စစ်ဆေးခဲ့ရာ ၎င်းမှာ ကိုဗစ်-၁၉ ရောဂါပိုး တွေ့ရှိခဲ့ကြောင်း မြို့နယ် ပြည်သူ့ ကျန်းမာရေး ဦးစီးဌာနမှ သိရသည်။
အဆိုပါ ပိုးတွေ့လူနာအား မောင်တောမြို့ ပြည်သူ့ဆေးရုံရှိ ကိုဗစ်-၁၉ အတည်ပြု သီးသန့် ဆောင်တွင် ကျန်းမာရေး စောင့်ရှောက်မှု ခံယူလျက်ရှိရာ ၎င်းတို့နှင့်ထိတွေ့ ဆက်စပ်သူ နှစ်ဦးအား နေအိမ်များတွင် Home Quarantine ထားရှိပြီး မောင်တောမြို့နယ်အတွင်း ကိုဗစ်-၁၉ ရောဂါပိုးတွေ့ရှိသူ ဖေဖော်ဝါရီ ၁၉ ရက်နေ့မှ ၂၆ ရက်နေ့ထိ ၁၀ ဦး တွေ့ရှိပြီ ဖြစ်ကြောင်းသိရသည်။
သက်လွင်စိုး၊ အောင်ကျော်စိန်
https://t.me/MyanmarNationalPost
No comments:
Post a Comment