MNP - ဖေဖော်ဝါရီ ၄
ဧရာဝတီတိုင်းဒေသကြီး အစိုးရဝန်ကြီးချုပ် ဦးတင်မောင်ဝင်းနှင့် အဖွဲ့ဝင်များသည် ပန်းတနော်မြို့နယ် ရွှေကျောင်းမြောက်ကျေးရွာအုပ်စု၊ ဘုရားပျိုကျေးရွာရှိ ချမ်းသာကြီးဘုန်းတော်ကြီးကျောင်းသို့ ယမန်နေ့ နံနက် ၁၁ နာရီခွဲကရောက်ရှိပြီး ကျေးလက်ဒေသဖွံ့ဖြိုးတိုးတက်ရေးဦးစီးဌာနမှ ဖွင့်လှစ်သည့် လူသုံးကုန် ထုတ်လုပ်နည်းသင်တန်းအား ကြည့်ရှုစစ်ဆေးခဲ့သည်။
ဆက်လက်၍ ဧရာဝတီတိုင်းဒေသကြီး ဝန်ကြီးချုပ်နှင့် အဖွဲ့ဝင်များသည် တော်တရကြီးကျေးရွာ ကွန်ကရစ်လမ်းခင်းပေးရန် တင်ပြသော လမ်းအားကြည့်ရှုခဲ့သည်။ ထို့နောက် ဆုတောင်းပြည့်ကျေးရွာရှိ ချောင်းကလေး၊ အိမ်မဲ လမ်းခင်းမှုအခြေအနေအား ကြည့်ရှုစစ်ဆေးခဲ့ပြီး အ.မ.က ကျောင်းအားဝင်ရောက်၍ ကျောင်းသုံးပစ္စည်းများ၊ ကျန်းမာရေးပစ္စည်းများနှင့် ထောက်ပံ့ငွေအားပေးအပ်ခဲ့သည်။ ယင်းနောက် ချောင်းကလေးကျေးရွာရှိ တိုက်နယ်ဆေးရုံအား ကြည့်ရှု့စစ်ဆေးပြီး နှာခေါင်းစည် (Mask) များ၊ PPE ဝတ်စုံများ၊ ထောက်ပံ့ငွေများပေးအပ်ခဲ့ကာ လက်ပံကုန်း ကျေးရွာအုပ်စု၊ အနောက်ကုန်း ကျေးရွာသို့ ရောက်ရှိပြီး စက်ရေတွင်းတူးဖော်မှုအခြေအနေအား ကြည့်ရှုစစ်ဆေးခဲ့ကြောင်းသိရသည်။
https://t.me/MyanmarNationalPost
www.mnpnewsagency.com
No comments:
Post a Comment