MNP ၊ ဖေဖော်ဝါရီ ၂၁
တနင်္သာရီတိုင်းဒေသကြီးတွင် ကိုဗစ်-၁၉ ရောဂါကာကွယ်ထိန်းချုပ်ရေးလုပ်ငန်းများဆောင်ရွက်နေစဉ်ကာလအတွင်း နယ်စပ်ရေးရာဝန်ကြီးဌာန၊ နယ်စပ်ဒေသနှင့်တိုင်းရင်းသားလူမျိုးများဖွံ့ဖြိုးတိုးတက်ရေးဦးစီးဌာန၊ တိုင်းဒေသကြီးဖွံ့ဖြိုးမှု ကြီးကြပ်ရေးရုံး က ဘုန်းတော်ကြီးကျောင်း၊ သီလရှင်ကျောင်းနှင့် ပရဟိတကျောင်းများသို့ လှူဖွယ်ပစ္စည်းများဆက်ကပ် လှူဒါန်းလျက်ရှိရာ ယနေ့နံနက်ပိုင်းတွင် တိုင်းဒေသကြီးဖွံ့ဖြိုးမှု ကြီးကြပ်ရေးရုံး(ထားဝယ်) က ထားဝယ်မြို့၊ ရတနာမာရ်အောင်သီလရှင်စာသင်တိုက်သို့ ဆွမ်းဆန်တော်များဆက်ကပ်လှူဒါန်းခဲ့ကြောင်းသိရသည်။
ထို့နောက် တိုင်းဒေသကြီးဖွံ့ဖြိုးမှု ကြီးကြပ်ရေးရုံး(ထားဝယ်) မှ ညွှန်ကြားရေးမှူး ဦးရန်လင်းအောင် နှင့် တာဝန်ရှိသူများက ရတနာမာရ်အောင်သီလရှင်စာသင်တိုက်သို့ ဆန် ၅ အိတ်၊ ဆီ(၁၀)ပိဿာနှင့် ပဲ ၈ ပိဿာ တို့ကို ဆက်ကပ်လှူဒါန်းရာ စာသင်တိုက်မှသီလရှင်ဒေါ်ရူပသီင်္ဂီ က လက်ခံယူပြီး တာဝန်ရှိသူများ က လှူဒါန်းမှုအစုစုတို့အတွက်ရေစက်သွန်းချအမျှပေး ဝေခဲ့ကြောင်းသတင်းရရှိသည်။
ရွှေပင်လယ်(ထားဝယ်)
မြန်မာနေရှင်နယ်ပို့စ်
No comments:
Post a Comment