MNP ၊ ဖေဖော်ဝါရီ ၂၀
မော်လမြိုင်ပြည်သူ့ဆေးရုံကြီး၌ ဆေးကုသမှုခံယူနေသည့် ကိုဗစ်အတည်ပြုလူနာသုံးဦးသည် ယနေ့(ဖေဖော်ဝါရီ ၂၀ရက်)တွင် ကွယ်လွန်ခဲ့ကြောင်း ဘိုဘိုဝင်းအရေးပေါ်ကယ်ဆယ်ရေးအဖွဲ့မှ သိရသည်။
သေဆုံးသူများမှာ အသက်ကြီးပိုင်း၊ လူကြီးရောဂါအခံရှိသူများဖြစ်ပြီး မိသားစုကိုယ်စား မီးသင်္ဂြိုလ်ရန် ပိန္နဲကုန်း မြန်မာသုဿာန်သို့ ပို့ဆောင်ပေးခဲ့ကြောင်း သိရသည်။
ဖေဖော်ဝါရီ ၁၈ရက်၊ ည ၈နာရီမှ ဖေဖော်ဝါရီ ၁၉ရက်၊ ည ၈နာရီအတွင်း ဓာတ်ခွဲနမူနာစုစုပေါင်း (၃၀,၄၀၆) ခုအား စစ်ဆေးပြီးစီးခဲ့ရာ ကိုဗစ်-၁၉ ရောဂါ ဓာတ်ခွဲအတည်ပြုလူနာသစ် (၃,၀၅၀) ဦး တွေ့ရှိပြီးသေဆုံးသူ (၅)ဦး ရှိကြောင်း ကျန်းမာရေးဝန်ကြီးဌာနမှ သိရသည်။
ကျန်းမာရေးဝန်ကြီးဌာနအနေဖြင့် နိုင်ငံအတွင်း ကူးစက်ဖြစ်ပွားနေသော COVID-19 ရောဂါ ကာကွယ်၊ ကုသ၊ ထိန်းချုပ်ရေးလုပ်ငန်းများကို အရှိန်အဟုန်မြှင့် ဆောင်ရွက်လျက်ရှိကြောင်း သတင်းထုတ်ပြန်ထားသည်။
မြန်မာနေရှင်နယ်ပို့စ်
No comments:
Post a Comment