MNP - ဖေဖော်ဝါရီ ၂၅
ဧရာဝတီတိုင်းဒေသကြီး၊ ဖျာပုံခရိုင်၊ ဖျာပုံမြို့နယ်တွင် မြို့အဝင်အထွက် စစ်ဆေးရေးဂိတ် (၂)ခု ဖွင့်လှစ်၍ လုံခြုံရေးကိစ္စရပ် စစ်ဆေးဆောင်ရွက်ခြင်းကို ယမန်နေ့ နံနက်(၆)နာရီ အချိန်မှ စတင်၍ ဖျာပုံ- ကျိုက်လတ်ကားလမ်းမကြီးပေါ် စစ်ဆေးရေးဂိတ် (၂)နှင့် ဖျာပုံ၊ ဒေးဒရဲမြို့ထွက် ဖျာပုံတံတားအဆင်း စစ်ဆေးဂိတ်(၁)တို့တွင် မြို့နယ်လုံခြုံရေးတပ်ဖွဲ့များ၊ ဌာနဆိုင်ရာများနှင့် ရပ်ကွက်/ကျေးရွာ အုပ်ချုပ်ရေးမှူးများ ပူးပေါင်းအဖွဲ့မှ လုံခြုံရေးကိစ္စရပ်များအား စစ်ဆေးဆောင်ရွက်ကြသည်။
ထိုကဲ့သို့စစ်ဆေးရာတွင် နယ်မြေလုံခြုံရေး၊ တရားဥပဒေစိုးမိုးရေး၊ ရပ်ရွာအေးချမ်း သာယာရေး၊ မလိုလားအပ်သော ပြဿာနာများ မဖြစ်ပေါ်စေရေးနှင့် ရာဇဝတ်မှုများ ကျူးလွန်သူများ ဝင်ရောက်ခိုလုံမှုမရှိစေရေး၊ ဥပဒေနှင့် မလွတ်ကင်းသည့် ပစ္စည်းများ၊ ဒုတ်၊ ဓား၊ ဂျင်ကလိ၊ လက်လုပ်သေနပ်၊ အန္တရာယ်ဖြစ်စေနိုင်သော လက်နက်ကိရိယာများ သယ်ဆောင်ခြင်းရှိ/မရှိတို့ကို ဖျာပုံမြို့အဝင် မြို့အထွက်တွင် ဖြတ်သန်းသွားလာနေကြသည့် မော်တော်ယာဉ်များအား နေ့/ညမပြတ် စစ်ဆေးဂိတ်(၂)ခု ဖွင့်လှစ်ဆောင်ရွက်လျက်ရှိ ကြောင်း သိရှိရသည်။
သတင်း - အောင်ဝင်းနိုင်
မြန်မာနေရှင်နယ်ပို့စ်
No comments:
Post a Comment