MNP ၊ ဖေဖေါ်ဝါရီ ၂၂
ရခိုင်ပြည်နယ်၊ သံတွဲခရိုင် ၊သံတွဲမြို့နယ်အတွင်းရှိ အငြိမ်းစားဝန်ထမ်းများ၏ ပင်စင်လစာများကို ယနေ့နံနက် ၇ ၃၀ နာရီမှစတင်၍ မြန်မာ့စီးပွါးဘဏ်ရှိဝန်ထမ်းများက ကိုဗစ်-၁၉ စည်းကမ်းချက်များနှင့်အညီ ထုတ်ပေးလျက်ရှိကြောင်းသိရသည်။
သံတွဲမြို့နယ်အတွင်းရှိ ရပ်ကွက်၊ကျေးရွာများတွင် ပင်စင်စားဝန်ထမ်း (၂၅၀၀)ကျော်ရှိပြီး ဖေဖေါ်ဝါရီ ၂၁ ရက် နေ့မှစတင်၍ လကုန်ရက်အထိနေ့စဉ်နံနက် ၇း၃၀နာရီမှ နေ့လယ် ၂နာရီထိ ပင်စင်လစာငွေများကို ထုတ်ပေးသွားမည်ဖြစ်သည်။ ပင်စင်လစာများကို မြန်မာ့စီးပွါးရေးဘဏ်တွင် ကိုယ်တိုင်လာရောက်ထုတ်ယူ သူများရှိသလို Mobile Banking နှင့် ငွေစုဘဏ်Account များထဲသို့ စာရင်းပြောင်းထုတ်ယူသူများလဲ ရှိကြောင်း ၊ သတ်မှတ်ရက်များတွင် လာရောက်ထုတ်ယူခြင်းမရှိသော ပင်စင်စားဝန်ထမ်းများအား မတ်လ လဆန်း ဘဏ်လုပ်ငန်းချိန်များတွင် ဆက်လက်ထုတ်ပေးသွားမည်ဖြစ်ပြီး ပင်စင်လစာများကို ကျန်းမာရေး ဝန်ကြီးဌာန၏ လမ်းညွှန်ချက်များနှင့်အညီ စနစ်တကျ ထုတ်ပေးလျက်ရှိကြောင်း မြန်မာ့စီးပွါးရေးဘဏ်မှ တာဝန်ရှိသူတစ်ဦး၏ပြောကြားချက်အရသိရသည်။
မြန်မာနေရှင်နယ်ပို့စ်
No comments:
Post a Comment