MNP - ဖေဖော်ဝါရီ ၁၈
မွန်ပြည်နယ်၊ မော်လမြိုင်ခရိုင်၊ ရေးမြို့နယ် ဘေးအန္တရာယ်ဆိုင်ရာ စီမံခန့်ခွဲမှု ဦးစီးဌာနမှ သဘာဝဘေးအန္တရာယ် ဆိုင်ရာ အသိပညာပေး ဟောပြောပွဲကို ယမန်နေ့ နံနက် ၁၀ နာရီက အမှတ်(၁) အခြေခံပညာ အထက်တန်းကျောင်း ပညာရတနာ ခန်းမ၌ ကျင်းပပြုလုပ်သည်။
အဆိုပါဟောပြောပွဲတွင် ဘေးအန္တရာယ်ဆိုင်ရာ စီမံခန့်ခွဲမှု ဦးစီးဌာနမှ ဦးစီးအရာရှိ ဦးအောင်ပိုင် က ရာသီဥတု ပြောင်းလဲမှုဆိုင်ရာ ဖြစ်စဉ်များ၊ အယ်(လ)နီညိုနှင့် လာနီညာဆိုင်ရာ သိကောင်းစရာများ၊ မုန်တိုင်းဖြစ်စဉ် မုန်တိုင်းဘေးအတွက် သတ်မှတ်ထားသည့် အရောင်ငါးမျိုးဆိုင်ရာ သိကောင်းစရာများ အကြောင်းနှင့် ဒုတိယဦးစီးမှူး ဒေါ်သဉ္ဇာအောင်က မွန်ပြည်နယ်အတွင်း အဖြစ်များသည့် ဘေးအန္တရာယ်များနှင့် သတိပြုရမည့်အချက်များ၊ ဘေးအန္တရာယ် ၈ မျိုးနှင့် ကြိုတင် ကာကွယ်ရမည့် နည်းလမ်းများစသည့် သဘာဝဘေးအန္တရာယ်ဆိုင်ရာ သိမှတ်ဖွယ်ရာများ၊ ကိုဗစ်-၁၉ရောဂါ ကာကွယ်ရေးအတွက် လိုက်နာရမည့် ကျန်းမာရေးဆိုင်ရာ အချက်တို့ကို ကျောင်းသား၊ ကျောင်းသူများ ကျယ်ကျယ်ပြန့်ပြန့် သိရှိအောင် ဟောပြောဆွေးနွေးခဲ့ပြီး အသိပညာပေး လက်ကမ်း စာစောင်များကို ဝေငှပေးခဲ့သည်။
အဆိုပါဟောပြောပွဲ့သို့ အမှတ်(၁) အခြေခံပညာ အထက်တန်းကျောင်းမှ ဆရာ/ဆရာမများနှင့် ကျောင်းသား ကျောင်းသူ(၁၀၀)ဦး တက်ရောက်ခဲ့ကြကြောင်း သိရသည်။
သတင်း - ခင်သိမ့်သိမ့်ရည်
မြန်မာနေရှင်နယ်ပို့စ်
No comments:
Post a Comment