MNP - ဖေဖော်ဝါရီ ၁၈
ရန်ကုန်တိုင်းဒေသကြီး တောင်ပိုင်းခရိုင်၊ ကျောက်တန်းမြို့နယ်တွင် ကိုဗစ်-၁၉ရောဂါ လျော့နည်း ပပျောက်ရေးနှင့် အိုမီခရွန်ရောဂါ ကြိုတင်ကာကွယ်နိုင်ရေးအတွက် အသက်(၅၀) နှစ်နှင့်အထက် နိုင်ငံ့ဝန်ထမ်းများအား Booster Dose အပိုဆောင်းကာကွယ်ဆေးများကို ကျောက်တန်းမြို့နယ် ကျန်းမာရေးဦးစီးဌာန ပြည်သူ့ဆေးရုံတွင် ယမန်နေ့နံနက် ၉ နာရီ အချိန်မှ စတင်ကာ ထိုးနှံပေးလျှက် ရှိပါသည်။
ထိုသို့ထိုးနှံပေးရာတွင် ကာကွယ်ဆေးနှစ်ကြိမ်ထိုးပြီး (၆)လပြည့်ပြီးသော ဝန်ထမ်းများအား ထပ်ဆောင်း ကာကွယ်ဆေး Booster Dose ကိုထိုးနှံပေးခဲ့ကြောင်း သိရသည်။ ထိုသို့ ဆေးထိုးနှံရာတွင် ကိုဗစ်-၁၉ စည်းကမ်းချက်နှင့်အညီ တစ်ဌာနချင်းအလိုက် တစ်ဦးနှင့်တစ်ဦး ၃ ပေကွာမှနေ၍ ကျန်းမာရေးဝန်ထမ်းများက အပူချိန်တိုင်းတာပေးခြင်း၊ သွေးအတွင်း အောက်ဆီဂျင်ပါဝင်မှုပမာဏ တိုင်းတာပေးခြင်းတို့ကို ဆောင်ရွက်ပေးပြီး ပုံမှန်အနေအထား ရှိသူများအား ဆေးထိုးနှံပြီး မိနစ် ၃၀ အကြာ စောင့်ဆိုင်းပြီးမှ ပြန်လည်ထွက်ခွာခွင့်ပြုကြောင်းသိရသည်။
ကျောက်တန်းမြို့နယ်အတွင်းရှိ ဌာနဆိုင်ရာဝန်ထမ်းများအား ထပ်ဆောင်းကာကွယ်ဆေး Booster Dose ကိုနိုင်ငံ့ဝန်ထမ်းများကို ထိုးနှံပေးပြီး ဆေးထိုးရန်ကျန်ရှိနေသည့် ပြည်သူများကိုလည်း ဆက်လက်၍ ကိုဗစ်-၁၉ ကာကွယ်ဆေးထိုးနှံပြီး ၆ လပြည့်သူများကိုလည်း ဆက်လက်ထိုးနှံ ပေးသွားမည် ဖြစ်ကြောင်း သိရသည်။
သတင်း - အိသန္တာချို
မြန်မာနေရှင်နယ်ပို့စ်
No comments:
Post a Comment