MNP - ဖေဖော်ဝါရီ ၁၉
ရခိုင်ပြည်နယ်၊ သံတွဲခရိုင်၊ ကျိန္တလီမြို့၌ ကိုဗစ်-၁၉ရောဂါကာကွယ်ဆေး(Covid Shield) (၂)ကြိမ် ထိုးနှံပြီးဖြစ်သော နိုင်ငံ့ဝန်ထမ်းမိသားစုနှင့် အသက်(၆၅)နှစ် အထက်ပြည်သူများအား တိယအကြိမ် ထပ်ဆောင်း(BosterDose)ထိုးနှံပေးခြင်းကို ယမန်နေ့နံနက် ၉ နာရီအချိန်မှ ညနေ့ (၃)နာရီအချိန်ထိ အထွေထွေအုပ်ချုပ် ရေးဦးစီးဌာန၊ အစည်းအဝေးခန်းမ ဆေးထိုးစုရပ်တွင် ဆက်လက်ထိုးနှံပေးလျက်ရှိကြောင်း သိရသည်။
ထိုသို့ ကာကွယ်ဆေးထိုးနှံရာတွင် ကျိန္တလီမြို့အတွင်းရှိ ရပ်ကွက်/ကျေးရွာအုပ်စုများမှ နိုင်ငံ့ဝန်ထမ်း မိသားစုနှင့် အသက်(၆၅)နှစ်အထက်ပြည်သူများအား ကိုဗစ်-၁၉ရောဂါကာကွယ်ဆေး တိယအကြိမ် ထပ်ဆောင်း(BosterDose)ထိုးနှံပေးလျက်ရှိရာ သံဃာတော်(၁၁)ပါး၊ နိုင်ငံ့ဝန်ထမ်း(၅)ဦး၊ စေတနာ့ ဝန်ထမ်း(၁၉) ဦး၊ ပုဂ္ဂလိကသယ်ယူပို့ဆောင်ရေးဝန်ထမ်း(၄)ဦး၊ အခြားဝင်ငွေရှိသောလုပ်ငန်းလုပ် ကိုင်သူ(၂၆)ဦး၊ နိုင်ငံ့ဝန်ထမ်းမိသားစု(၅၅)ဦး စုစုပေါင်း(၁၂၀) ဦးအား ထိုးနှံ ပေးနိုင်ခဲ့ကြောင်း၊ ကာကွယ်ဆေးထိုးနှံရန်ရောက်ရှိလာသော ပြည်သူများအား ကျန်းမာရေးဝန်ကြီးဌာနမှ ထုတ်ပြန်ထားသော ကိုဗစ် စည်းကမ်းချက်များနှင့်အညီ လုံခြုံရေးတပ်ဖွဲ့ဝင်များ၊ မီးသတ်တပ်ဖွဲ့ဝင်များနှင့် ရပ်ကွက်အုပ်ချုပ်ရေးမှူးတို့က လူစုလူဝေးမဖြစ်ပေါ်စေရန် ကူညီလုပ်ကိုင်ဆောင်ရွက်ပေးလျက်ရှိကြောင်း သိရသည်။
သတင်း - ခိုင်မိုးမင်း
မြန်မာနေရှင်နယ်ပို့စ်
No comments:
Post a Comment