MNP - ဖေဖော်ဝါရီ ၅
ရှမ်းပြည်နယ်တောင်ပိုင်း၊ လွိုင်လင်ခရိုင်၊ နမ့်စန်မြို့နယ်တွင် မြို့နယ်တွင်းသန့်ရှင်း သာယာလှပရေး၊ ဒေသခံများ သွားလာမှု လွယ်ကူချောမွေ့စေရေးနှင့် ဒေသထွက်ကုန်များ အချိန်နှင့်တပြေးညီ တင်ပို့ရောင်းချနိုင်ရေးတို့အတွက် မြို့နယ်စည်ပင်သာယာရေး ဌာနမှ မြို့ပြလမ်း/တံတားတည်ဆောက်ခြင်းနှင့် မွမ်းမံခြင်းစသည့် ပြည်သူ့အကျိုးပြု လုပ်ငန်းများ ကို ဆောင်ရွက်ပေး လျက်ရှိကြောင်း သိရသည်။
မြို့နယ်စည်ပင်သာယာရေးဌာန၏ ၂၀၂၁-၂၀၂၂ ခု ၊ ဘဏ္ဍာရေးနှစ်တွင် ဆောင်ရွက်သော ငွေလုံးငွေရင်း လုပ်ငန်းတစ်ခုဖြစ်သည့် အမှတ်(၄)ရပ်ကွက်၊ ဇွန်ပန်းလမ်း Box Culvert(၃၀x၅x၃) ပေ၊ အမှတ်(၅)ရပ်ကွက်၊ ထင်းရှူးလမ်း၊ Box Culvert (၃၀x၅x၃) ပေနှင့် အမှတ်(၁)ရပ်ကွက်၊ တပင်ရွှေထီးလမ်း အရှည် ပေ ၅၀၀၊ အကျယ် ၁၂ ပေနှင့် ထု ၃ လက်မရှိ ကတ္တာရာ ထပ်ပိုးလွှာခင်းခြင်း လုပ်ငန်းများကို မြို့နယ်စည်ပင်သာရေး အမှုဆောင်အရာရှိ၊ လက်ထောက်ညွှန်ကြားရေးမှူး ဦးအောင်နိုင်ဦး၏ ကြီးကြပ်မှုဖြင့် တာဝန်ခံအင်ဂျင်နီယာ ဒေါ်သိန်းသိန်းတင့်နှင့် ဝန်ထမ်းများက ဆောင်ရွက်ခဲ့ရာ ဖေဖော်ဝါရီလ ပထမပတ်အတွင်း ပြီးစီးခဲ့ပြီဖြစ်ကြောင်း သိရသည်။
ဆက်လက်၍ အမှတ်(၅)ရပ်ကွက်၊ ရေကန်လမ်း ကို အရှည် ပေ ၇၀၀၊ အကျယ် ၁၂ ပေနှင့် ထု ၃ လက်မရှိ ကတ္တာရာ ထပ်ပိုးလွှာခင်းခြင်း လုပ်ငန်းကိုလည်း ဆောင်ရွက်လျက်ရှိပြီး မကြာမှီပြီးစီးမည် ဖြစ်ကြောင်းနှင့် အဆိုပါလုပ်ငန်း ၄ ခုအတွက် မြို့နယ်စည်ပင်သာယာရေး ဌာန၏ ၂၀၂၁-၂၀၂၂ခု၊ ဘဏ္ဍာရေးနှစ် ငွေလုံးငွေရင်းလုပ်ငန်းဖြင့် ဘဏ္ဍာငွေ ၂၉၁၄၀၀၀၀ ကျပ် ကုန်ကျခံ ဆောင်ရွက်ခြင်းဖြစ်ကြောင်း မြို့နယ်စည်ပင်သာရေး အမှုဆောင်အရာရှိ ဦးအောင်နိုင်ဦးထံမှ သိရသည်။
https://t.me/MyanmarNationalPost
www.mnpnewsagency.com
No comments:
Post a Comment