MNP ၊ ဖေဖော်ဝါရီ ၄
ရခိုင်ပြည်နယ် ရသေ့တောင်မြို့၌ ကိုဗစ် -၁၉ ကာကွယ်ဆေး Covishield အမျိုးအစားနှစ်ကြိမ် ထိုးနှံပြီးစီး ခဲ့သည့် မြန်မာနိုင်ငံ ရဲတပ်ဖွဲ့နှင့် အထွေထွေအုပ်ချုပ်ရေးဦးစီးဌာနတွင် တာဝန်ထမ်းဆောင်နေကြသည့် နိုင်ငံ့ဝန်ထမ်းများ အား ကိုဗစ် -၁၉ ကာကွယ်ဆေး ထပ်ဆောင်း Boostet dose အဖြစ် ထိုးနှံခြင်းကို ယနေ့နံနက် ၉ နာရီမှစ၍ မြို့နယ်ပြည်သူ့ဆေးရုံတွင် စတင်ထိုးနှံပေးလျက်ရှိသည်။
ထိုသို့ ကိုဗစ် -၁၉ ကာကွယ်ဆေးထိုးနှံပေးရာတွင် မြို့နယ်ကိုဗစ် -၁၉ထိန်းချုပ်ရေးနှင့် အရေးပေါ် တုံ့ပြန် ရေးကော်မတီ၏ ကြီးကြပ်မှုဖြင့် ကျန်းမာရေးဝန်ထမ်းများက ကာကွယ်ဆေးမထိုးမီ သွေးပေါင်ချိန် တိုင်းပေးခြင်း၊ ကိုယ်အပူချိန်တိုင်းခြင်း၊ အောက်ဆီဂျင်တိုင်းခြင်း စသည့် ကျန်းမာရေး စစ်ဆေးမှုများ ပြုလုပ်ပြီး ကိုဗစ် -၁၉ စည်းကမ်းချက်များနှင့်အညီ ထိုးနှံပေးလျက်ရှိသည်။
အဆိုပါ ကိုဗစ် - ၁၉ကာကွယ်ဆေးထိုးနှံရန်လာရောက်ကြသည့် နိုင်ငံ့ဝန်ထမ်းများ အဆင်ပြေချောမွေ့စွာ ထိုးနှံနိုင်ရေးအတွက် ဌာနဆိုင်ရာများ၊ ကျန်းမာရေးဝန်ထမ်းများနှင့် စေတနာ့ဝန်ထမ်းများက လိုအပ် သည်များကို ကူညီဆောင်ရွက်ပေးလျက်ရှိကြောင်း သိရသည်။
သတင်း - အောင်စံထွန်း
https://t.me/MyanmarNationalPost
www.mnpnewsagency.com
No comments:
Post a Comment