MNP - ဖေဖော်ဝါရီ ၅
ကျိုက်မရောမြို့နယ်တွင် အသက် ၅ နှစ်အောက် ကလေးငယ်များ ပိုလီယိုရောဂါ ဖြစ်ပွားမှုမှ ကာကွယ်နိုင်ရန်နှင့် အနာဂတ်ကလေးငယ်များ၏ ဘဝပိုလီယိုရောဂါ ကင်းဝေးစေရန် ရည်ရွယ်ချက် ဖြင့် အမီလိုက် ပိုလီယိုကာကွယ်ဆေး (OPV) ဆေးတိုက်ကျွေးခြင်းကို ယမန်နေ့နံနက် ၉ နာရီမှစတင်ကာ ဆေးတိုက်စုရပ်များဖြစ်သော အတ္ထရံခန်းမနှင့် ရန်မျိုးအောင်ရပ်ကွက် အုပ်ချုပ် ရေးမှူးရုံးတို့၌ တိုက်ကျွေးလျက်ရှိကြောင်း သိရသည်။
ယခုလိုပိုလီယိုကာကွယ်ဆေးတိုက်ကျွေးခြင်းအားဖြင့် ကလေးငယ်များ ပိုလီယိုရောဂါဖြစ်ပွား ခြင်း၊ကူးစက်ခြင်းတို့မှ ကာကွယ်နိုင်ပြီး ရာသက်ပန် မသန်မစွမ်းဖြစ်ခြင်းဒုက္ခမှ ကင်းဝေးပြီးကလေး များ၏ အနာဂတ်ဘဝလေးများ သာယာလှပမှာဖြစ်သည့်အတွက် ပြည်သူများအနေဖြင့် မိမိတို့၏ သားသမီးများ အနာဂတ်ဘဝလှပစေရန် ပိုလီယိုကာကွယ်ဆေးကို မပျက်မကွက်တိုက်ကျွေးကြပါရန် နှင့်ဆေးတိုက်စုရပ်များသို့အချိန်မီလာရောက်၍တိုက်ကျွေးနိုင်ကြောင်းမြို့နယ်ကျန်းမာရေးဦးစီးဌာန၊ တာဝန်ရှိသူကပြောသည်။ ယနေ့ပိုလီယိုကာကွယ်ဆေး တိုက်ကျွေးရာတွင် မြို့ပေါ်ရပ်ကွက် ၄ ရပ်ကွက်မှကလေးဦးရေ(၇၄၂)ဦးအားတိုက်ကျွေးပေးနိုင်ခဲ့ကြောင်းကျန်းမာရေးဦးစီးဌာနမှသိရသည်။
သတင်း - ချိုမြတ်မြတ်ထွေး
https://t.me/MyanmarNationalPost
www.mnpnewsagency.com
No comments:
Post a Comment