MNP - ဖေဖော်ဝါရီ ၃
စစ်ကိုင်းတိုင်းဒေသကြီး၊ ကန့်ဘလူခရိုင်၊ ကျွန်းလှမြို့နယ်တွင် ဦးတည်အုပ်စု သတ်မှတ်ပြီး မြို့နယ်ပြည်သူ့ဆေးရုံနှင့် ကျေးရွာအုပ်စု ဆေးထိုးစုရပ်များ၌ ကာကွယ်ဆေး ထိုးနှံလျက်ရှိရာ ကိုဗစ်-၁၉ ရောဂါကာကွယ်ဆေး (Covishield) Phase-6 ပထမအကြိမ် ထိုးနှံပြီးစီးကြောင်း မြို့နယ်ကျန်းမာရေး ဦးစီးဌာနမှ သိရသည်။
ထိုသို့ ကာကွယ်ဆေးထိုးနှံပေးရာတွင် သံဃာတော်များ၊ သီလရှင်များ၊ မသန်စွမ်းသူများ၊ နာတာရှည်ရောဂါ အခံရှိသူများ၊ ဦးတည်အုပ်စုပါဝင်သူများ၊ အသက် ၁၈ နှစ်နှင့်အထက် ပြည်သူများအား Phase-6၊ ပထမအကြိမ် ၁၄၈၆ ဦး ထိုးနှံပေးခဲ့ကြောင်း၊ Phase-5၊ ဒုတိယအကြိမ် ကာကွယ်ဆေးထိုးနှံရမည့်သူများကို ဆက်လက် ထိုးနှံပေးလျက်ရှိကြောင်း သိရသည်။
အဆိုပါ ကာကွယ်ဆေး လာရောက်ထိုးနှံသူများအား မြို့နယ်အထွေထွေအုပ်ချုပ်ရေး ဦးစီးဌာနနှင့် မြို့နယ် ကျန်မာရေး ဦးစီးဌာန ဝန်ထမ်းများက ကိုယ်ရေးအချက်အလက် ကောက်ယူခြင်း၊ သွေးပေါင်ချိန်ခြင်း၊ ဆီးချိုတိုင်းခြင်း၊ ကျန်းမာရေး စစ်ဆေးပေးခြင်း ဆောင်ရွက်ပေးကြောင်း သိရသည်။
သတင်း - မျိုးဝင်းညို
https://t.me/MyanmarNationalPost
www.mnpnewsagency.com
No comments:
Post a Comment