MNP ၊ မတ် ၆
မွန်ပြည်နယ်၊ သထုံခရိုင်၊ ပေါင်မြို့နယ်၌ ဒီရေတောပျိုးဥယျာဉ်နှင့် စိုက်ပျိုးထားသော ဒီရေတောများစိုက်ပျိုးထားရှိမှုများအား မတ်လ ၆ ရက်နေ့ကအလှပ်ကျေးရွာ ဒီရေတောပျိုးဥယျာဉ်နှင့် ဇီးကုန်းရပ်ကွက် ပင်လယ်ကမ်းခြေရှိ ဒီရေတောများ အား ကွင်းဆင်းစစ်ဆေးခဲ့ကြသည်။
ကွင်းဆင်းစစ်ဆေးရာတွင် မြို့နယ်စီမံအုပ်ချုပ်ရေးအဖွဲ့ ဥက္ကဋ္ဌ မြို့နယ်အုပ်ချုပ်ရေးမှုး ဦးသိုက်ထွန်း၊သစ်တောတာဝန်ခံတောအုပ်ကြီး ဦးမိုးကျော်သူနှင့်တာဝန်ရှိသူများက ကွင်းဆင်းစစ်ဆေးခဲ့ကြသည်။
ထိုသို့ကွင်းဆင်းရာတွင် အလှပ်ကျေးရွာရှိ ဒီရေတောပျိုးဥယျာဉ်ရှိ ဗြူးခြေထောက်(၉၀၀၀)ပင်၊ သမဲ့(၆၀၀၀)ပင်၊ စုစုပေါင်း (၁၅၀၀၀)ပင် ပျိုးထောင်ထားရှိမှုအားလည်းကောင်း၊ ၂/၂၀၂၀ ဒီရေတော(၆၀) ဧကနှင့် သမဲ့(၄၀)ဧက စိုက်ပျိုးထားရှိမှုများနှင့် အောင်မြင်ဖြစ်ထွန်းမှုများအားလည်းကောင်း ကွင်းဆင်းကြည့်ရုစစ်ဆေးခဲ့ကြသည်။ ယခုပျိုးထောင်ထားသော ပျိုးပင်(၁၅၀၀၀)ကို လာမည့်မိုးရာသီတွင် စိုက်ပျိုးသွားမည်ဖြစ်ကြောင်း သတင်းရရှိပါသည်။
သတင်း - တင်ဇာစိုး
https://t.me/MyanmarNationalPost
No comments:
Post a Comment