MNP ၊ မတ် ၃၁
ရခိုင်ပြည်နယ်၊ ရမ်းဗြဲမြို့နယ်၌ ၂၀၂၁-၂၀၂၂ ပညာသင်နှစ်၊ တက္ကသိုလ်ဝင်စမေးပွဲဖြေဆိုကြမည့်ကျောင်းသား/ကျောင်းသူများ ကိုယ်စိတ်နှစ်ပါး အနှောင့်အယှက်မဖြစ်ပေါ်စေရေးအတွက် ရမ်းဗြဲမြို့နယ်၊ အထွေထွေအုပ်ချုပ်ရေးဦးစီးဌာနမှ ဒေသန္တရအမိန့်ထုတ်ပြန်ကြေညာချက်ကို မတ်လ ၃၀ ရက်နေ့ ညနေ ၄ နာရီက ထုတ်ပြန်ကြေညာခဲ့ကြောင်း သိရသည်။
အဆိုပါ ထုတ်ပြန်ကြေညာချက်တွင် တက္ကသိုလ်ဝင်စာမေးပွဲ ၂၀၂၂-ခုနှစ်၊ မတ်လ ၃၁ ရက်နေ့မှ ဧပြီလ ၉ ရက်နေ့ထိ တစ်နိုင်ငံလုံး တစ်ပြိုင်နက်တည်းဖြေဆိုကြရမည်ဖြစ်ပြီး စာမေးပွဲကာလအတွင်းကျောင်းသား/ကျောင်းသူများ အနှောင့်အယှက်မဖြစ်ပေါ်စေရေးအတွက် အသံချဲ့စက်များဖွင့်ခြင်း၊ ဆောင်းဘောက်များဆူညံစွာဖွင့်ခြင်းမပြုလုပ်ရန်၊ လမ်းဆုံ လမ်းခွနေရာများတွင်လူများစုဝေးပြီး ဂစ်တာတီး သီချင်းဟစ်အော်သီဆိုခြင်းမပြုလုပ်ရန်၊ ကာရာအိုကေဆိုင်၊ စားသောက်ဆိုင်များနှင့်အရက်ဘီယာဆိုင်များအနေဖြင့် ည ၉ နာရီထိသာရောင်းချရန် စသည့်အချက်များပါသည့် ဒေသန္တရဥပဒေကိုထုတ်ပြန်ကြေညာခဲ့သည်။
ထိုအမိန့်ထုတ်ပြန်ကြေညာချက်ကို လိုက်နာဆောင်ရွက်ခြင်းမရှိပါက တည်ဆဲဥပဒေအရ အရေးယူခံရမည်ဖြစ်ကြောင်းကို မြို့နယ်အထွေထွေအုပ်ချုပ်ရေးဦးစီးဌာနမှထုတ်ပြန်ကြေညာခဲ့ကြောင်း သိရသည်။
သတင်း - အောင်နိုင်
https://t.me/MyanmarNationalPost
No comments:
Post a Comment