MNP ၊ မတ် ၈
တရားမဝင် ကုန်သွယ်မှုတိုက်ဖျက်ရေး ဦးဆောင်ကော်မတီ၏ ကြီးကြပ်ကွပ်ကဲမှုဖြင့် တရားမဝင် ကုန်သွယ်မှုများကို ဥပဒေနှင့်အညီ ထိရောက်စွာ တားဆီးအရေးယူနိုင်ရေး ဆောင်ရွက်လျက်ရှိရာ မတ် ၄ ရက်တွင် ရန်ကုန်တိုင်းဒေသကြီး တရားမဝင်ကုန်သွယ်မှု တိုက်ဖျက်ရေးအထူးအဖွဲ့၏ စီမံခန့်ခွဲမှုဖြင့် တိုင်းဒေသကြီး သစ်တောဦးစီးဌာန ဦးဆောင်၍ ပူးပေါင်းစစ်ဆေးရေးအဖွဲ့များက စစ်ဆေးမှုများ ဆောင်ရွက်ခဲ့ရာ လှည်းကူးမြို့နယ်အတွင်း တရားမဝင် သစ်မျိုးစုံ (၁၄ ဒသမ ၄၁၇၈)တန် (ခန့်မှန်း တန်ဖိုးငွေကျပ် ၁,၀၀၉,၂၄၆) လည်းကောင်း၊ မတ် ၅ ရက်တွင် မြောက်ဥက္ကလာပ မြို့နယ်နှင့် လှည်းကူး မြို့နယ်တို့အတွင်း တရားမဝင် ကျွန်းပါကေးအကြမ်းတုံး (၂.၃၀၃၂)တန် (ခန့်မှန်းတန်ဖိုးငွေကျပ် ၆၉၀,၉၆၀)နှင့် အဆိုပါသစ်များ တင်ဆောင်လာသည့် မော်တော်ယာဉ်(၂)စီး (ခန့်မှန်းတန်ဖိုးငွေကျပ် ၂၅,၀၀၀,၀၀၀) လည်းကောင်း၊ မတ် ၆ ရက်တွင် လှည်းကူးမြို့နယ်၊ ရန်ကုန်-မန္တလေး အမြန်လမ်း မိုင်တိုင်(၂၂/၇) အနီး၌ တရားမဝင် ကျွန်းပါကေး အကြမ်းတုံး (၀ ဒသမ ၈၂၅၄)တန် (ခန့်မှန်းတန်ဖိုးငွေကျပ် ၂၄၇,၆၂၀)နှင့် အဆိုပါသစ်များ တင်ဆောင်လာသည့် မော်တော်ယာဉ်(၁)စီး၊ (ခန့်မှန်းတန်ဖိုးငွေကျပ် ၁၅,၀၀၀,၀၀၀) လည်းကောင်း၊ စုစုပေါင်း (ခန့်မှန်းတန်ဖိုးငွေကျပ် ၄၁,၉၄၇,၈၂၆) ဖမ်းဆီးရမိခဲ့ပြီး သစ်တောဥပဒေနှင့်အညီ အရေးယူဆောင်ရွက်လျက်ရှိသည်။
အလားတူ မတ် ၅ ရက်တွင် ရခိုင်ပြည်နယ် တရားမဝင် ကုန်သွယ်မှုတိုက်ဖျက်ရေးအထူး အဖွဲ့၏ စီမံခန့်ခွဲမှုဖြင့် ပြည်နယ်သစ်တောဦးစီးဌာန ဦးဆောင်၍ ပူးပေါင်းစစ်ဆေးရေး အဖွဲ့များက သတင်းအရ သွားရောက် စစ်ဆေးရာ ကျောက်ဖြူခရိုင်၊ အမ်းမြို့နယ်၊ တလိုင်းဘိနယ်တွင် တရားမဝင် တောင်သရက် ခွဲသား (၂ ဒသမ ၇၅၅၀) တန် (ခန့်မှန်းတန်ဖိုးငွေကျပ် ၁၉၂,၈၅၀) လည်းကောင်း၊ မတ် ၆ ရက်တွင် အမှတ်(၅၅)၊ ခြေလျင်တပ်ရင်းမှ ဒုတိယဗိုလ်မှူးကြီး ဦးဆောင်သော ပူးပေါင်းစစ်ဆေးရေး အဖွဲ့များက စစ်ဆေးမှုများ ဆောင်ရွက်ခဲ့ရာ တောင်ကုတ်မြို့နယ်၊ တန်းလွဲဘိနယ်တွင် တရားမဝင် သစ်မျိုးစုံ (၆ ဒသမ ၇၈၂၂)တန် (ခန့်မှန်းတန်ဖိုးငွေကျပ် ၂၃၇,၃၇၇) လည်းကောင်း၊ စုစုပေါင်း (ခန့်မှန်းတန်ဖိုး ငွေကျပ် ၄၃၀,၂၂၇) ဖမ်းဆီးရမိခဲ့ပြီး သစ်တောဥပဒေနှင့်အညီ အရေးယူဆောင်ရွက် လျက်ရှိသည်။
ထို့အပြင် မတ် ၈ ရက်တွင် ပဲခူးတိုင်းဒေသကြီး တရားမဝင် ကုန်သွယ်မှုတိုက်ဖျက်ရေး အထူးအဖွဲ့၏ စီမံခန့်ခွဲမှုဖြင့် တိုင်းဒေသကြီး သစ်တောဦးစီးဌာန ဦးဆောင်၍ ပူးပေါင်းစစ်ဆေးရေး အဖွဲ့များက သတင်းအရ သွားရောက်စစ်ဆေးခဲ့ရာ သာယာဝတီခရိုင် သစ်တောကြိုးဝိုင်းအတွင်း တရားမဝင် ကျွန်းသစ် (၁ ဒသမ ၀၂၈၈)တန် (ခန့်မှန်းတန်ဖိုးငွေကျပ် ၁၅၆,၈၆၀) ဖမ်းဆီးရမိခဲ့ပြီး သစ်တောဥပဒေနှင့်အညီ အရေးယူ ဆောင်ရွက်လျက်ရှိသည်။
သို့ဖြစ်ပါ၍ မတ် ၄ ရက်၊ ၅ ရက် ၊ ၆ ရက်နှင့် ၈ ရက်တို့တွင် ဖမ်းဆီးရမိမှု စုစုပေါင်းမှာ အမှုတွဲ (၇)မှု၊ (ခန့်မှန်းတန်ဖိုးငွေကျပ် ၄၂,၅၃၄,၉၁၃) ဖြစ်ကြောင်း တရားမဝင်ကုန်သွယ်မှု တိုက်ဖျက်ရေး ဦးဆောင် ကော်မတီမှ သိရသည်။
https://t.me/MyanmarNationalPost
No comments:
Post a Comment