MNP - မတ် ၂၉
မကွေးတိုင်းဒေသကြီး၊ နတ်မောက်မြို့နယ်၌ တက္ကသိုလ်ဝင်စာမေးပွဲဖြေဆိုမည့် စာစစ်ဌာနများအား ကွင်းဆင်းကြည့်ရှု စစ်ဆေးခြင်းကို ယမန်နေ့ နေ့လယ်ပိုင်းက ဆောင်ရွက်ခဲ့ကြကြောင်းသိရသည်။
ထိုသို့ကွင်းဆင်းရာတွင် ကျောင်းဝန်းအတွင်းမီးဘေးလုံခြုံရေးအတွက်မီးသတ်ဆေးဘူများ၊ မီးချိတ်၊ မီးကပ်၊ သဲကန်၊ ရေကန်များထားရှိမှုအခြေအနေ၊ လျှပ်စစ်ဝါယာကြိုးနှင့် လျှပ်စစ်ပစ္စည်းများ အခြေအနေ၊ ယာယီမီးစက်ထားရှိမည့်နေရာ၊ လုံခြုံရေးချထားမည့် နေရာများကိုကြည့်ရှုစစ်ဆေးပြီး လိုအပ်သည့်ကြိုတင် ပြင်ဆင်မှုများ ပူးပေါင်းဆောင်ရွက် ခဲ့ကြသည်။
အဆိုပါ ကွင်းဆင်းစစ်ဆေးခြင်းအား မြို့နယ်စီမံအုပ်ချုပ်ရေးအဖွဲ့ ဥက္ကဋ္ဌ မြို့နယ်အုပ်ချုပ်ရေးမှူး ဦးသန့်စင်နှင့် အဖွဲ့ဝင်များ၊ ပူးပေါင်းအဖွဲ့တို့က ပူပေါင်းဆောင်ရွက် ခဲ့ကြကြောင်းသိရသည်။
သတင်း - သင်းသင်းမြတ်
မြန်မာနေရှင်နယ်ပို့စ်
No comments:
Post a Comment