MNP - မတ် ၂၉
ရှမ်းပြည်နယ်(မြောက်ပိုင်း)၊ မိုင်းရယ်မြို့နယ်အားကစားနှင့်ကာယပညာဦးစီးဌာနမှ ကြီးမှူး ဖွင့်လှစ်သည့် နွေရာသီအခြေခံအားကစားသင်တန်းကို ယမန်နေ့နံနက် ၉ နာရီက မိုင်းရယ်မြို့၊ နမ့်ရယ်ခမ်းမ၌ ပြုလုပ်သည်။
နွေရာသီအခြေခံအားကစားသင်တန်းတွင် ဘောလုံး၊ ပိုက်ကျော်ခြင်း၊ စားပွဲတင် တင်းနစ်နှင့် Fitness Dance စသည့် အားကစားနည်း ၄ မျိုးကို အခြေခံပညာမူလတန်း၊ အလယ်တန်းနှင့် အထက်တန်းကျောင်းသား၊ ကျောင်းသူများအား မတ် ၂၈ ရက်မှ ဧပြီ ၉ ရက်နေ့အထိ သင်ကြားပေးသွားမည်ဖြစ်သည်။
အဆိုပါ သင်တန်းတွင် သင်တန်းနည်းပြ ၆ ဦးဖြင့် ပိုက်ကျော်ခြင်းကို နံနက် ၇ နာရီမှ ၉ နာရီအထိ၊ Fitness Dance ကို နံနက် ၉ နာရီမှ ၁၁ နာရီအထိ၊ စားပွဲတင်တင်းနစ်ကို နေ့လယ် ၁ နာရီမှ ၃ နာရီအထိ၊ ဘောလုံးကို ညနေ ၄ နာရီမှ ၆ နာအထိ အချိန်ဇယားများခွဲ၍ အသီးသီး သင်ကြားပေးသွားမည်ဖြစ်ကြောင်း သိရသည်။
သတင်း - ကျော်ဇင်ထိုက်
မြန်မာနေရှင်နယ်ပို့စ်
No comments:
Post a Comment