MNP - မတ် ၂၉
ရှမ်းပြည်နယ် ညောင်ရွှေမြို့နယ်၌ လယ်ယာမြေလုပ်ပိုင်ခွင့်ပြုလက်မှတ် ပုံစံ(၇)ပေးအပ်ပွဲ အခမ်းအနားကို ယနေ့နံနက် ၁၀နာရီခွဲက စံကား ကျေးရွာအုပ်စု ဆည်ခေါင်းကျေးရွာ ဘုန်းတော်ကြီးကျောင်း၌ ကျင်းပခဲ့ကြောင်း သိရသည်။
ရှေးဦးစွာ မြို့နယ်စီမံအုပ်ချုပ်ရေးအဖွဲ့ဥက္ကဌ ဦးနိုင်ဦးက အမှာစကားပြောကြားပြီး မြို့နယ် လယ်ယာမြေစီမံခန့်ခွဲရေးနှင့်စာရင်းအင်းဦးစီးဌာန ဦးစီးအရာရှိ ဦးဇော်လွင်က လယ်ယာမြေလုပ်ပိုင် ခွင့်ပြုလက်မှတ်များ ပေးအပ်ဆောင်ရွက်ခဲ့မှု အခြေအနေများကို ရှင်းလင်းပြောကြားခဲ့သည်။ ထို့နောက် မြို့နယ်စီမံအုပ်ချုပ်ရေးအဖွဲ့ဥက္ကဋ္ဌနှင့် ဌာနဆိုင်ရာတာဝန်ရှိသူများက ဒေသခံတောင်သူ များသို့ လယ်ယာမြေလုပ်ပိုင်ခွင့်ပြုလက်မှတ် ပုံစံ(၇)များ ပေးအပ်ခဲ့ကြသည်။
အဆိုပါ အခမ်းအနားတွင် စံကားကျေးရွာအုပ်စုအတွင်းရှိ ကွင်း ၁၁ ကွင်း၊ တောင်သူ ၂၄၈ ဦး၊ ဦးပိုင်ပေါင်း ၂၆၇၊ ဧရိယာ ၆၂၄ ဧက အတွက် လယ်ယာမြေလုပ်ပုံခွင့်ပြုလက်မှတ် ပုံစံ(၇) များ ထုတ်ပေးခဲ့ကြောင်း သိရသည်။
သတင်း - နေမျိုးသူရိန်
မြန်မာနေရှင်နယ်ပို့စ်
No comments:
Post a Comment