MNP ၊ မတ် ၃၀
ရခိုင်ပြည်နယ်၊ သံတွဲခရိုင်၊ ဂွမြို့ ဒေါင့်ချောင်းကျေးရွာအုပ်စု၊ ဒေသအခေါ်(တောင်ခွဲပေါက်) တောင်ညိုကြိုးပြင်ကာကွယ်တော အကွက်အမှတ် (၉၇)တွင် ယနေ့၊ နေ့လည်ပိုင်းက တရာမဝင် တောင်သရက်ခွဲသားများအား ပိုင်ရှင်မဲ့ ဖမ်းဆီးရမိခဲ့ကြောင်း သတင်းရရှိသည်။
ဂွမြို့နယ် သစ်တောဦးစီးဌာနမှ ဦးစီးအရာရှိ ဦးငြိမ်းချမ်းနှင့် ဝန်ထမ်းများသည် ဒေါင့်ချောင်းကျေးရွာအုပ်စု ဗေဒါ(၁) ဘိနယ်အတွင်း နယ်မြေအတွင်း စစ်ဆေးဆောင်ရွက်ခဲ့ရာ ဒေါင့်ချောင်းကျေးရွာအုပ်စု ဒေသအခေါ် (တောင်ခွဲပေါက်) ၊ တောင်ညိုကြိုးပြင်ကာကွယ်တော အကွက်အမှတ် (၉၇)တွင် တရားမဝင် တောင်သရက်ခွဲသား (၂၁)ချောင်း၊ (၄.၃၄၀၈)တန်၊ ကာလတန်ဖိုး (၅၂၀၈၉၆)ကျပ်ခန့်အား ပိုင်ရှင်မဲ့ ဖမ်းဆီးရမိခဲ့ကြောင်း သိရသည်။
အဆိုပါ ဖမ်းဆီးရမိသော တောင်သရက်ခွဲသားများအား ဂွမြို့နယ် (၁၄)မိုင်သစ်တောစခန်းသို့ ပို့ဆောင်ရန် စီစဉ်ထားရှိပြီး သစ်တောဥပဒေနှင့်အညီ ဆက်လက် ဆောင်ရွက်သွားမည်ဖြစ်ကြောင်း သိရသည်။
သတင်း - ရွှေရည်ဝင်းကျော်
https://t.me/MyanmarNationalPost
No comments:
Post a Comment