MNP ၊ မတ် ၃၀
ဂွမြို့နယ်တွင် ၂၀၂၁- ၂၀၂၂ ခု ပညာသင်နှစ် တက္ကသိုလ်ဝင်စာမေးပွဲ အောင်မြင်စွာကျင်းပ နိုင်ရေးနှင့် ကျောင်းသား/ကျောင်းသူများစာမေးပွဲကို အဆင်ပြေချောမွေ့စွာဖြေဆိုနိုင်ရေးအတွက် ကြိုတင်ပြင်ဆင်ဆောင်ရွက်ထားရှိမှုများကို ယမန်နေ့ ညနေပိုင်းက တာဝန်ရှိသူများမှ သွားရောက် ကြည့်ရှုစစ်ဆေးခဲ့ပြီး ကျေးရွာများမှ လာရောက်ဖြေဆိုကြသည့် ကျောင်းသား/ကျောင်းသူများကို ထောက်ပံ့ငွေများ ပေးအပ်ခဲ့ကြောင်း သိရသည်။
ထိုသို့ကြည့်ရှုစစ်ဆေးရာတွင် ဂွမြို့နယ်စီမံအုပ်ချုပ်ရေးအဖွဲ့ ဥက္ကဌ မြို့နယ်အုပ်ချုပ်ရေးမှူး ဦးဇာနည်ကျော်နှင့် မြို့နယ်စီမံအုပ်ချုပ်ရေးအဖွဲ့ဝင်များ၊မြို့နယ်ပညာရေးမှူးနှင့် တာဝန်ရှိသူများက စာမေးပွဲဖြေဆိုမည့် အခန်းများ ပြင်ဆင်ထား ရှိမှုနှင့်လုံခြုံမှုရှိစေရေး၊ ကျောင်းသား/သူ များ စာမေးပွဲ လာရောက်ဖြေဆိုရာတွင် အဆင်ပြေချောမွေ့မှုရှိစေရေး၊ စာစစ်ဌာန ကျောင်းများ အပြင်စည်း၊တွင်းစည်း လုံခြုံရေး ဆောင်ရွက်ထားရှိမှု၊ စာစစ်ဌာနများအလိုက် စာမေးပွဲဆိုင်ရာကိစ္စရပ်များကို လုပ်ထုံးလုပ်နည်း များနှင့်အညီ စနစ်တကျဆောင်ရွက်ထား ရှိမှုများအား ကြည့်ရှုစစ်ဆေးခဲ့ကြပြီး ကျေးရွာများမှ လာရောက်ဖြေဆိုကြသည့် ကျောင်းသား/ကျောင်းသူများကို ထောက်ပံ့ငွေများ ပေးအပ်ခဲ့ကြောင်း သိရသည်။
သတင်း - ရွှေရည်ဝင်းကျော်
https://t.me/MyanmarNationalPost
No comments:
Post a Comment