MNP - မတ် ၂၉
တနင်္သာရီတိုင်းဒေသကြီး မြိတ်မြို့တွင် (၂၀၂၂)ခုနှစ် တက္ကသိုလ်ဝင်တန်းစာမေးပွဲ အောင်မြင်စွာ ကျင်းပ နိုင်ရေးနှင့် ကျောင်းသား/ကျောင်းသူများ စာမေးပွဲကို အဆင်ပြေချောမွေ့စွာဖြေဆိုနိုင်ရေးအတွက်ယမန်နေ့ညနေပိုင်းက မြိတ်ခရိုင်စီမံအုပ်ချုပ်ရေးအဖွဲ့ဥက္ကဋ္ဌနှင့် ဌာနဆိုင်ရာတာဝန်ရှိသူများမှ စာမေးပွဲကျင်းပမည့် စာစစ်ဌာနကျောင်းများသို့ သွားရောက်ကြည့်ရှုစစ်ဆေးခဲ့ကြသည်။
စာစစ်ဌာနကျောင်းများအား ကြည့်ရှုစစ်ဆေးရာ၌ ကျောင်းသား/သူများ စာမေးပွဲလာရောက်ဖြေဆို ရာတွင် အဆင်ပြေချောမွေ့မှုရှိစေရေး၊ စာစစ်ဌာနကျောင်းများ အပြင်စည်း အတွင်းစည်း လုံခြုံရေး ဆောင်ရွက်ထားရှိမှု၊ စာစစ်ဌာနများအလိုက် စာမေးပွဲဆိုင်ရာကိစ္စရပ်များကို လုပ်ထုံးလုပ်နည်းများနှင့်အညီ စနစ်တကျဆောင်ရွက်ထားရှိမှုများအား ကြည့်ရှုစစ်ဆေးခဲ့ကြသည်။
စာစစ်ဌာနများကို စစ်ဆေးဆောင်ရွက်ခြင်းကို မြိတ်ခရိုင်စီမံအုပ်ချုပ်ရေးအဖွဲ့ဥက္ကဋ္ဌ ဦးဉာဏ်ဇော်နှင့် ခရိုင်/မြို့နယ် ဌာနဆိုင်ရာ တာဝန်ရှိသူများက စာစစ်ဌာနကျောင်းများတွင် ကိုဗစ်ကာကွယ်ရေး လမ်းညွှန်ချက်များနှင့်အညီ ဆောင်ရွက်ကြရန်နှင့် နှာခေါင်းစည်းများ ထောက်ပံ့ပေးအပ်ခဲ့ပြီး လိုအပ်သည်များကို ပူးပေါင်းညှိနှိုင်း ဆောင်ရွက်ပေးခဲ့သည်။ မြိတ်မြို့နယ်တွင် စာစစ်ဌာန(၄)ခုတွင် စာမေးပွဲဖြေဆိုကြမည့် ကျောင်းသား/သူ စာရင်းရှိ(၁၇၁၅) ဦးရှိကြောင်း ပညာရေးမှူးရုံးမှ သိရသည်။
သတင်း - ခိုင်ထူး
မြန်မာနေရှင်နယ်ပို့စ်
No comments:
Post a Comment