MNP - မတ် ၃
တနင်္သာရီတိုင်းဒေသကြီးအစိုးရအဖွဲ့၏ ကြီးကြပ်လမ်းညွှန်မှုဖြင့် ကိုဗစ်-၁၉ ရောဂါကာကွယ်ထိန်းချုပ်ရေးလုပ်ငန်းများ ဆောင်ရွက်နေစဉ်ကာလအတွင်းထားဝယ်မြို့နယ်သမဝါယမဦးစီးဌာနက အခြေခံစားသောက်ကုန်များကို အများပြည်သူ ဈေးနှုန်းချိုသာစွာဝယ်ယူနိုင်ရန်အတွက် ဗျောတောဝရပ်ကွက်၊ အာဇာနည်လမ်းမကြီးနံဘေး ဆဲဗင်းဒေး ရောင်းဝယ်အသင်း၊ ဒေါင်းငူရပ်ကွက်၊ ဗိုလ်ချုပ်လမ်း၊ ညနေဈေး၌ မြိုနယ်အသင်းစု ဆိုင်ခွဲများတွင်ရောင်းချပေးလျက်ရှိကြောင်းသိရှိရသည်။
သမဝါယမဦးစီးဌာနက ပြည်သူများ၏ စားဝတ် နေရေးအထောက်အကူပြုစေရန် ဒေသအတွင်း အများပြည်သူများအား ဧရာဝတီပေါ်ဆန်း(၁၂)ပြည်ဝင်အိတ်(၁)အိတ်လျှင် ကျပ် ၂၅၀၀၀ ၊ ပုသိမ်ဇီယာ ၁၆၀၀၀ ကျပ်၊ မော်လမြိုင်ဇီယာ(၁၂)ပြည်ဝင်အိတ် (၁)အိတ်လျှင် ၁၄၅၀၀ ကျပ်၊ ပေါ်ဆန်း(၁၂)ပြည်ဝင်အိတ်(၁)အိတ်လျှင် ၂၃၅၀၀ ကျပ်၊ ညောင်ဦးမြေပဲဆီ (၁ ပိဿာ) ၇၈၀၀ ကျပ်၊ စားသုံးဆီ ပုဇွန်နှစ်ကောင်ဆီ(၂လီတာ) ၇၄၀၀ ကျပ်၊ ပဲလွန်းဆီ(၂လီတာ) ၇၈၀၀ ကျပ်နှုန်းဖြင့်ရောင်းချပေးလျက်ရှိကြောင်းသိရသည်။
သတင်း - ရွှေပင်လယ်
မြန်မာနေရှင်နယ်ပို့စ်
No comments:
Post a Comment