MNP - မတ် ၂၄
ရှမ်းပြည်နယ်တောင်ပိုင်း၊ နမ့်စန်မြို့နယ်တွင် လွိုင်လင်မြို့အခြေစိုက် လွိုင်ခမ်းအမျိုးသမီးအဖွဲ့က ဆောင်ရွက်သော ကျား/မရေးရာ၊ ရေအသုံးချမှုနှင့် တစ်ကိုယ်ရေသန့်ရှင်းရေးဆိုင်ရာ (Wash and Gender Awareness Raising) သင်တန်းကို မြို့နယ်ပြန်ကြားရေးနှင့်ပြည်သူ့ဆက်ဆံရေးဦးစီးဌာနရှိ လူထုအခြေပြုဗဟိုဌာန (Community Centre) တွင် ယမန်နေ့နံနက် ၉ နာရီက စတင် ဖွင့်လှစ်ဆောင်ရွက်ခဲ့ကြောင်း သိရသည်။
အဆိုပါသင်တန်းကို ၂ ရက်ကြာဖွင့်လှစ်၍ လွိုင်ခမ်း အမျိုးသမီးအဖွဲ့ ဒါရိုက်တာ ဒေါ်နန်းသန်းသန်းညွန့် ဦးဆောင်သော အဖွဲ့က လိင်(Sex) နှင့် ကျားမရေးရာ(Gender)၊ ရေအသုံးချမှု နှင့် အလုပ်တာဝန်ခွဲဝေမှု၊ တစ်ကိုယ်ရေသန့်ရှင်းရေးနှင့် အမျိုးသမီးများအတွက် ကျန်းမာရေးဆိုင်ရာ သိကောင်းစရာများကို သင်ကြားပို့ချသွားမည်ဖြစ်ကြောင်းနှင့် အဆိုပါသင်တန်းသို့ အမှတ်(၅)ကျေးရွာအုပ်စု၊ နောင်ဟီးကျေးရွာအုပ်စု၊ မက်မွန်မုန်းကျေးရွာအုပ်စု၊ ဝမ်ပုံကျေးရွာအုပ်စု၊ ဟိုင်းနာကြီးကျေးရွာအုပ်စုတို့ရှိ ကျေးရွာ ၇ ရွာမှ ဒေသခံအမျိုးသား အမျိုးသမီး စုစုပေါင်း ၃၀ ဦး တက်ရောက်လျှက်ရှိကြောင်း သိရသည်။
မြန်မာနေရှင်နယ်ပိုစ့်
No comments:
Post a Comment