MNP - မတ် ၂၅
ကချင်ပြည်နယ်၊ ပူတာအိုခရိုင်၊ ဆွမ်ပရာဘွမ်မြို့တွင် ၂ နှစ်အောက်ကလေးငယ်များအား ကာကွယ်ဆေးထိုးနှံခြင်းလုပ်ငန်းကို ယမန်နေ့နံနက် ၁၀ နာရီအချိန်က မြို့နယ်မိခင်နှင့် ကလေးစောင့်ရှောက်ရေးဌာန၌ ထိုးနှံပေးခဲ့ကြောင်း သိရသည်။
အဆိုပါဆေးထိုးနှံခြင်း အစီအစဉ်ကို မြို့နယ်ကိုဗစ်-၁၉ စည်းကမ်းချက်များနှင့်အညီ ဆောင်ရွက်ရာ ကလေးငယ်များအား အသည်းရောင်အသားဝါ(ဘီ)၊ ပြင်းထန်ဝမ်းပျက် ဝမ်းလျော(ရိုတာ) ပိုလီယို၊ ဆုံဆို့-ကြက်ညှာ-မေးခိုင်-အသည်းရောင်အသားဝါ(ဘီ) ဦးနှောက်အမြှေးရောင် (ငါးမျိုးစပ်ကာကွယ်ဆေး)၊ ပိုလီယိုကာကွယ်ဆေးထိုးဆေး၊ ဂျပန်ဦးနှောက်ရောင် ဝက်သက်ဂျိုက်သိုး စသည့် ကာကွယ်ဆေးများကို ကျန်းမာရေးဝန်ထမ်းများက ပေါင်ချိန်ချိန်ခြင်း၊ ဆေးထိုးလက်မှတ်များတွင် အမည်စာရင်းထည့်သွင်းခြင်းဖြင့် အသက်မွေးစမှ ၂ နှစ်အောက် ကလေးငယ်များအား နှစ်အလိုက် ဆေးများထိုးနှံပေးခဲ့ကြောင်း သိရသည်။
သတင်း - ဟင်နရီမီးကိုဆာ
မြန်မာနေရှင်နယ်ပို့စ်
No comments:
Post a Comment