MNP - မတ် ၂၇
မကွေးတိုင်းဒေသကြီး၊ သရက်ခရိုင်၊ ဆင်ပေါင်ဝဲမြို့နယ်၌ ကလေးငယ်များတွင် မကြာခဏ သွေးလွန်တုပ်ကွေးရောဂါ တွေ့ရှိရ သဖြင့် မြို့နယ်ကုသရေးဦးစီးဌာနမှူး ဒေါက်တာမွန်စိုးရီ၏ ဦးဆောင်မှုဖြင့် အပတ်စဉ်စနေနေ့တိုင်း သွေးလွန် တုပ်ကွေးရောဂါ ကာကွယ်နှိမ်နင်းရေး လုပ်ငန်းဖြစ်သည့် ဖုံးသွန်လဲ စစ်လုပ်ငန်းများအား အရှိန်အဟုန်မြှင့် ဆောင်ရွက်လျက်ရှိသည်။
ထိုသို့ဆောင်ရွက်လျက်ရှိရာ ယနေ့နံနက်ပိုင်းက ဒေါက်တာမွန်စိုးရီနှင့်ကျန်းမာရေးဝန်ထမ်းများ သည် သွေးလွန်တုပ်ကွေးရောဂါ တွေ့ရှိသော ကလေးငယ်၏နေအိမ်နှင့် အိမ်ပတ်လည်ကိုက် တစ်ရာအတွင်းရှိနေအိမ်များရှိ သိုလှောင်ထားသော သောက်သုံး ရေကန်များအတွင်းသို့ အဘိတ် ဆေးများခတ်ပေးခြင်း၊အိမ်တွင်းအိမ်ပြင်ရှိ ရေထည့်ထားသည့် ရေစည်ရေအိုးများအား ဖုံးအုပ် ပေးခြင်း၊ သောက်ရေ၊ သုံးရေအိုးခွက်များ၊ ရေစည်ရေအိုးများ၊ ပန်းအိုးအတွင်းပိုင်းကို ပွတ်တိုက်ဆေးကြော၍ သွန်ပစ်ခြင်း၊ ခြင်လောက်လန်းတွေ့သောရေကို နောက်အိုးတစ်အိုးသို့ ရေစစ်၍ လဲလှယ်ပြောင်းထည့်ခြင်းများကို ဆောင်ရွက်ပေးခဲ့သည်။
ထို့အပြင် အဆိုပါ ဖုံးသွန်လဲ စစ်လုပ်ငန်းများကို အင်းမကျေးရွာ၊ အင်းလတ်ကျေးရွာနှင့် အလယ်ရွာကျေးရွာများတွင်လည်း တပြိုင်နက်တည်း ဆောင်ရွက်ပေးလျက်ရှိကြောင်း သိရှိရသည်။
သတင်း - နိုင်လင်း
မြန်မာနေရှင်နယ်ပိုစ့်
No comments:
Post a Comment