MNP - မတ် ၂၉
ဧရာဝတီတိုင်းဒေသကြီး၊ ဟင်္သာတခရိုင်၊ အင်္ဂပူမြို့ မြို့ပေါ်ရပ်ကွက်များတွင် ယနေ့ နံနက်ပိုင်း က ကိုဗစ်-၁၉ ကာကွယ်ဆေးကို ပြည်သူများထိုးနှံရန် မကျန်ရှိစေရေးအတွက် နေအိမ်များ အရောက် ကွင်းဆင်းထိုးနှံပေးခြင်းကို ယနေ့ နံနက်ပိုင်းက ပြုလုပ်ခဲ့သည်။
အဆိုပါ ကိုဗစ်-၁၉ ရောဂါ ကာကွယ်ဆေး ထိုးနှံပေးခြင်းကို မြို့နယ်စီမံအုပ်ချုပ်ရေးအဖွဲ့ဥက္ကဋ္ဌ ဦးအောင်ကျော်မိုး လမ်းညွှန်မှုဖြင့် ကျန်းမာရေးဝန်ထမ်းများနှင့် ရပ်ကျေးအုပ်ချုပ်ရေးမှူးများ ပူးပေါင်းပြီး ရပ်ကွက်အတွင်း ကာကွယ်ဆေးထိုးရန် ကျန်ရှိနေသော နေအိမ်များအရောက် ကောက်သင်းကောက်စနစ်ဖြင့် လိုက်လံထိုးနှံပေးခဲ့ကြောင်း သိရသည်။
အင်္ဂပူမြို့နယ်တွင် ကိုဗစ်-၁၉ ရောဂါ ကာကွယ်ဆေးထိုးနှံရန် မကျန်ရှိစေရေးအတွက် ရပ်ကွက်၊ ကျေးရွာများသို့ ရပ်ကျေးအုပ်ချုပ်ရေးမှူးများနှင့် ကျန်းမာရေးဝန်ထမ်းများ ပူးပေါင်းပြီး အိမ်တိုင် ရာရောက် သွားရောက်ထိုးနှံပေးခြင်းကို ဆောင်ရွက်လျက်ရှိကြောင်းနှင့် ဆေးထိုးစုရပ်များတွင် လည်း ထိုးနှံပေးလျက်ရှိကြောင်း မြို့နယ်ကိုဗစ်-၁၉ ရောဂါ ကာကွယ်ထိန်းချုပ်ရေးနှင့် အရေး ပေါ်တုံ့ပြန်ရေးလုပ်ငန်းကော်မတီထံမှ သိရသည်။
သတင်း - မန်းကျော်
မြန်မာနေရှင်နယ်ပို့စ်
No comments:
Post a Comment