MNP - မတ် ၁
စစ်ကိုင်းတိုင်းဒေသကြီး၊ ရွှေဘိုခရိုင်၊ ဒီပဲယင်းမြို့တွင်အသက် ၂နှစ်အောက် ကလေးများနှင့် ကိုယ်ဝန်ဆောင် မိခင်များအား ကာကွယ်ဆေးထိုးနှံပေးခြင်းကို ယမန်နေ့ နံနက် ၁၀နာရီ အချိန်တွင် ဒီပဲယင်းမြို့ ပြည်သူ့ဆေးရုံတွင် ကာကွယ်ဆေးများ ထိုးနှံပေးလျက်ရှိသည်။
အဆိုပါကာကွယ်ဆေးထိုးနှံပေးရာတွင် ကိုဝန်ဆောင်မိခင်များအား သွေးပေါင်ချိန်ပေးခြင်း ဆီးချိုသွေးတိုး ရှိ/မရှိ စစ်ဆေးပေးခြင်း လိုအပ်သောဆေးဝါးများကို အခမဲ့ထုတ်ပေးခြင်း အသက် ၂နှစ်အောက်ကလေးများကိုလည်း အသက်အရွယ် လအပိုင်းအခြားပေါ် ကြည့်ရှုပြီး ကာကွယ်ဆေးများ ထိုးနှံပေးခြင်း ကျန်းမာရေး စောင့်ရှောက်များကို အခမဲ့ဆောင်ရွက်ပေး လျက်ရှိသည်။
ဒီပဲယင်းမြို့နယ်တွင် ကာကွယ်ဆေးထိုးနှံပေးခြင်းကို ဖေဖော်ဝါရီ ၂၈ နေ့တွင် အသက် ၂နှစ် အောက် ကလေး(၁၈၃)ဦးကို ဝန်ဆောင်မိခင်(၃၀)ဦး ထိုးနှံပေးခဲ့ပြီး ကာကွယ်ဆေး ထိုးနှံပေးခြင်းကို မတ်လ ၃ ရက်နေ့ထိ နံနက် ၁၀ နာရီမှ ညနေ့ ၄ နာရီထိ ပြည်သူ့ဆေးရုံတွင် ထိုးနှံပေးသွားမှာ ဖြစ်ကြောင်း သိရသည်။
သတင်း - သိန်းထွန်း
မြန်မာနေရှင်နယ်ပို့စ်
No comments:
Post a Comment