MNP - မတ် ၂၇
ရန်ကုန်တိုင်းဒေသကြီး၊ အရှေ့ပိုင်းခရိုင်၊ ဒဂုံမြို့သစ်(မြောက်ပိုင်း)မြို့နယ်အတွင်း၌ ကိုဗစ်-၁၉ ရောဂါ ကာကွယ်ဆေး ထိုးနှံခြင်းကို ရဟန်းရှင်လူ ပြည်သူများအား ဦးတည်အုပ်စုများအလိုက် ထိုးနှံပေးလျက်ရှိပြီး ကိုဗစ်-၁၉ ရောဂါကာကွယ်ထိန်းချုပ်နိုင်ရန်နှင့် အိုမီခရွန်ဗိုင်းရပ်ကူးစက်မှုမှ ကာကွယ် နိုင်ရန်ရည်ရွယ်၍ ရာနှုန်းပြည့်ထိုးနှံပေးနိုင်ရေး ဆောင်ရွက်လျက်ရှိရာ ယနေ့ နံနက် ၉ နာရီမှစတင်၍ ပြည်သူများအားကိုဗစ်-၁၉ ကာကွယ်ဆေးထိုးနှံမှုများကို အိမ်တိုင်ရာရောက် လိုက်လံထိုးနှံပေးလျက်ရှိကြောင်း သိရသည်။
အဆိုပါ အိမ်တိုင်ရာရောက် ကာကွဘ်ဆေးထိုးနှံပေးရာတွင် မြို့နယ်အတွင်း ကိုဗစ်-၁၉ရောဂါ အရေးပေါ်တုံ့ပြန်ရေးနှင့် ထိန်းချုပ်ရေး ကော်မတီ၏ ဦးဆောင်မှုဖြင့် အမှတ်(၃၀)ရပ်ကွက်အတွင်းရှိ အကြောင်းအမျိုးမျိုးကြောင့် ကာကွယ်ဆေး မထိုးနှံ ရသေးသည့် အသက်(၁၈) နှစ်နှင့် အထက် ပြည်သူများအား ကျန်းမာရေးဝန်ထမ်းများ၊ ပရဟိတအသင်းဝင်များ၊ မြို့နယ် ကြက်ခြေနီ တပ်ဖွဲ့ဝင်များ၊ ရပ်ကွက်အတွင်း တာဝန်ရှိသူများက ပူးပေါင်း၍အိမ်တိုင်ရာရောက် ကာကွယ်ဆေး ထိုးနှံပေးခဲ့ရာ ၁၃၁ ဦးထိုးနှံပေးခဲ့ကြောင်း သိရသည်။
သတင်း - မြင့်မြင့်ရီ
မြန်မာနေရှင်နယ်ပို့စ်
No comments:
Post a Comment