MNP - မတ် ၁၀
မန္တလေးတိုင်းဒေသကြီး မြင်းခြံခရိုင် ငါန်းဇွန်မြို့နယ်တွင် အသက်(၁၈)နှစ်ပြည့်ပြီးသူများအားလုံးကို ရာနှုန်းပြည့်ထိုးနှံနိုင်ရေးအတွက် မြို့နယ်စီမံအုပ်ချုပ်ရေး အဖွဲ့၏ ကြီးကြပ်မှုဖြင့် မြို့နယ်ကာကွယ် ဆေးထိုးကွင်းဆင်းအဖွဲ့များက မြို့နယ်အတွင်း ဇုံနယ်မြေအလိုက် ကျေးရွာများအရောက် ကွင်းဆင်း၍ ကိုဗစ်-၁၉ရောဂါ ကာကွယ်ဆေး အမအသုတ် ပထမအကြိမ် ထိုးနှံပေးလျက်ရှိ ကြောင်း သိရသည်။
ထိုသို့ ကိုဗစ်-၁၉ရောဂါကာကွယ်ဆေး အမအသုတ် ပထမအကြိမ် ဆက်လက်ထိုးနှံပေးရာ ယမန် နေ့နံနက် ၉နာရီမှစ၍ မြို့မဇုံမှ (၂၇၀)ဦး၊ မြို့သာဇုံမှ (၁၄၁)ဦး၊ ငါန်းမြာဇုံမှ (၁၇၆)ဦး၊ ခြင်္သေ့လက်ဇုံမှ (၃၀၃)ဦး၊ သားကျင်ဇုံမှ (၇၄)ဦး၊ ဂျိုဇုံမှ (၃၅၆)ဦး၊ သံဘိုဇုံမှ (၁၇၉)ဦး၊ ရေလည် သောင်ဇုံမှ (၁၇၀)ဦးနှင့် ကုလားရွာဇုံမှ (၄၈)ဦး မြို့နယ် အတွင်းဇုံ(၉)ဇုံမှ အသက်(၁၈)နှစ် နှင့် အထက်ပြည်သူများ စုစုပေါင်း(၁၇၁၇)ဦး ထိုးနှံပေးခဲ့ကြောင်း သိရသည်။
ငါန်းဇွန်မြို့နယ်တွင် အသက်(၁၈)နှစ်နှင့်အထက်ပြည်သူများအား ကိုဗစ်-၁၉ရောဂါကာကွယ်ဆေး ထိုးနှံပေးခဲ့ရာ မတ် ၄ရက်နေ့မှ ၈ရက်နေ့အထိ မြို့နယ်အတွင်း ဇုံ(၉)ဇုံမှ အမအသုတ် ပထမ အကြိမ် (၆၃၃၇)ဦး ထိုးနှံပြီးကြောင်း သိရသည်။
သတင်း - သက်နောင်ဦး
မြန်မာနေရှင်နယ်ပို့စ်
No comments:
Post a Comment