MNP - မတ် ၂၃
ရှမ်းပြည်နယ်(မြောက်ပိုင်း) လားရှိုးခရိုင်၊ သိန္နီမြို့နယ်အတွင်း အသက်(၁၈)နှစ် ပြည့်ပြီးသူ တိုင်း ကိုဗစ်-၁၉ ရောဂါ ကာကွယ်ဆေး ရာနှုန်းပြည့် ထိုးနှံရန်အတွက် ယမန်နေ့ နံနက်ပိုင်းက ကျေးရွာများသို့အရောက် သွားရောက်ထိုးနှံပေးခဲ့ကြောင်း သိရသည်။
ထိုသို့ ကာကွယ်ဆေးထိုးနှံရာတွင် သိန္နီမြို့နယ် စီမံအုပ်ချုပ်ရေးအဖွဲ့ ဥက္ကဋ္ဌ၊ ကိုဗစ်-၁၉ ရောဂါ ကာကွယ်ထိန်းချုပ်ကုသရေးကော်မတီ ဥက္ကဋ္ဌ ဦးနေလင်းထွန်း၏ စီစဉ်ကြီးကြပ်မှုဖြင့် ဟိုတုံကျေးရွာ၊ ပိန်းဆာကျေးရွာ၊ ကုန်းညောင်ကျေးရွာ၊ ပန်လော့ကျေးရွာ၊ မိုင်းလီကျေးရွာ၊ မိုင်းပါးကျေးရွာ၊ ဥယာဉ်မှူးကျေးရွာများသို့ ကွင်းဆင်း၍ ကိုဗစ်-၁၉ ရောဂါကာကွယ်ဆေး (Covishield) ထိုးပေးခြင်းဖြစ်သည်။ သိန္နီမြို့နယ်တွင် အသက်(၁၈)နှစ်ပြည့်ပြီး ကာကွယ်ဆေးထိုးရန် ဦးရေ (၄၂၇၄၆)ဦးရှိရာ ရာနှုန်းပြည့် ကာကွယ်ဆေးထိုနှံပြီးစီးစေရေး အတွက် ကျေးရွာများအရောက် သွားရောက်ထိုးနှံပေးခြင်းဖြစ်သည်၊၊ ယမန်နေ့ထိ ကိုဗစ်-၁၉ ရောဂါကာကွယ်ဆေး (Covishield) အား ဦးရေ (၇၅၇) ဦး ထိုးနှံပေးလျက်ရှိကြောင်း သိရသည်။
သတင်း - စောဥမ္မာ
မြန်မာနေရှင်နယ်ပို့်စ်
No comments:
Post a Comment