MNP - မတ် ၂၇
ဧရာဝတီတိုင်းဒေသကြီး ၊ ဟင်္သာတခရိုင်၊ ဇလွန်မြို့နယ်ပြန်ကြားရေးနှင့်ပြည်သူ့ ဆက်ဆံရေး ဦးစီးဌာန ဝန်ထမ်း များက (၇၇)နှစ်မြောက် တပ်မတော်နေ့အထိမ်း အမှတ်သတင်း စကား လက်ကမ်းစာစောင်များကို ယမန်နေ့နံနက် ၈ နာရီအချိန်ကလူစည်ကားရာနေရာများ၊ ဈေးရောင်း ဈေးဝယ်သူများ၊ နယ်မြေခံတပ်မတော် သားများ၊ ရဲတပ်ဖွဲ့ဝင်များ ထံသို့အခမဲ့ လိုက်လံဖြန့်ဝေပေးခဲ့ကြသည်။
အဆိုပါ သတင်းစကား လက်ကမ်းစာစောင်တွင် (၇၇)နှစ်မြောက် တပ်မတော်နေ့ ဦးတည် ချက်များ၊ ၁၉၄၇ ခုနှစ် ဇွန်လဆန်း၌ ဗမာနိုင်ငံလုံးဆိုင်ရာမီးသတ် အစည်းအရုံးကြီးတွင် ဗိုလ်ချုပ်အောင်ဆန်း ပြောကြားသည့် မိန့်ခွန်းမှ ကောက်နုတ်ချက်၊ တပ်မတော်၏ အစဉ် အလာကောင်း (၁၂)ရပ်၊ (၇၆)နှစ်မြောက် တပ်မတော်နေ့ စစ်ရေးပြအခမ်းအနားတွင် နိုင်ငံတော် စီမံအုပ်ချုပ်ရေးကောင်စီဥက္ကဋ္ဌ တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီး မဟာ သရေစည်သူ မင်းအောင်လှိုင် ပြောကြားသည့် မိန့်ခွန်းမှ ကောက်နုတ်ချက်၊ ကဗျာ၊ ဆောင်းပါး နှင့် ဆောင်ပုဒ်များ၊ တပ်မတော်အင်အားရှိမှ တိုင်းပြည်အင်အားရှိမည်၊ နွေအလှ ကဗျာ၊ တပ်မတော်သည် အမျိုးသားရေးကို ဘယ်တော့မှ သစ္စာမဖောက် စသည့်ခေါင်းစဉ် များအား ထည့်သွင်းဖော်ပြထားသည့် အကြောင်းအရာများ ပါဝင်သည့် လက်ကမ်းစာစောင်များကို လိုက်လံ ဖြန့်ဝေပေးခဲ့ကြသည်။
မြန်မာနေရှင်နယ်ပို့စ်
No comments:
Post a Comment