MNP - မတ် ၂၉
ရခိုင်ပြည်နယ်၊ သံတွဲခရိုင်၊ ကျိန္တလီမြို့ အထွေထွေအုပ်ချုပ်ရေးဦးစီးဌာန၊ မြို့အုပ်ချုပ်ရေးမှူးရုံး ခန်းမတွင် ယမန်နေ့ မွန်းလွဲ(၁)နာရီအချိန်က ၂၀၂၁-၂၀၂၂ပညာသင်နှစ် တက္ကသိုလ်ဝင်စာမေးပွဲကို တည်ငြိမ်အေးချမ်းစွာ ဖြေဆိုနိုင်ရေး အတွက် အစည်းအဝေးပြုလုပ်ခဲ့ကြောင်း သိရသည်။
အဆိုပါ အစည်းအဝေးတွင် ကျိန္တလီမြို့ အထွေထွေအုပ်ချုပ်ရေးဦးစီးဌာန၊ မြို့အုပ်ချုပ်ရေးမှူး ဦးဖြိုးဝေလင်းက ရှေးဦးစွာပြောကြားရာတွင် ကျိန္တလီမြို့ အခြေခံပညာအထက်တန်းကျောင်းသို့ တက္ကသိုလ်ဝင်တန်းစာမေးပွဲဖြေဆိုရန် လာရောက်ကြမည့် ကျောင်းသား/သူများအဖြင့် စာမေးပွဲ ဖြေဆိုချိန်ကာလအတွင်း (၃၁-၃-၂၀၂၂) မှ (၉-၄-၂၀၂၂)ထိ ဒေသတွင်းမလိုလားအပ်သော ပြဿနာ များ မဖြစ်ပေါ်စေရေးနှင့် တည်ငြိမ်အေးချမ်းစွာ စာမေးပွဲဖြေဆိုနိုင်ရေးအတွက် အစည်း အဝေးသို့ တက်ရောက်လာကြသော ဌာနဆိုင်ရာဝန်ထမ်းများအား စာမေးပွဲဖြေဆိုမည့်နေ့ရက်အလိုက် တာဝန် ခွဲဝေပေးအပ်ခြင်း၊ မိမိတို့ဌာနဆိုင်ရာဝန်ထမ်းများက စာမေးပွဲဖြေဆိုနေချိန်ကာလအတွင်း တာဝန်ကို ကျေပွန်စွာ ထမ်းဆောင်ကြစေလိုကြောင်း ပြောကြားခဲ့ပြီး အစည်းအဝေးသို့ တက်ရောက်လာသော ဌာနဆိုင်ရာဝန်ထမ်းက ပြန်လည် ဆွေးနွေးပေးခဲ့ကြောင်း သိရသည်။
သတင်း - ခိုင်မိုးမင်း
မြန်မာနေရှင်နယ်ပို့စ်
No comments:
Post a Comment