MNP - မတ် ၂
ပဲခူးတိုင်းဒေသကြီး၊ ပြည်မြို့နယ်၊ ဝက်ထီးကန်တိုက်နယ်ရှိ မူးယစ်ဆေးဖြတ် ပြီးသူများ ပြန်လည်ထူထောင်ရေးစခန်း (ဝက်ထီးကန်) ၌ ယမန်နေ့နံနက်ပိုင်းက စခန်းအခြေပြု ပြန်လည်ထူထောင်ရေး သင်တန်းအမှတ်စဉ် (၃/၂၀၂၁) သင်တန်း ဆင်းပွဲအခမ်းအနား ကျင်းပခဲ့သည်။
သင်တန်းဆင်းပွဲအခမ်းအနားတွင် ပြန်လည်ထူထောင်ရေးဦးစီးဌာနမှ ဒုတိယ ညွှန်ကြားရေးမှူးချုပ် ဦးဉာဏ်မြင့်အောင်နှင့် အကျဉ်းဦးစီးဌာနမှ ကျောင်းအုပ်ကြီး ဦးစန်းအောင်တို့က သင်တန်းဆင်းအမှာစကား အသီးသီးပြောကြားခဲ့သည်။
ထို့နောက် တာဝန်ရှိသူများက သင်တန်းထူးချွန်ဆုများနှင့် သင်တန်းဆင်း ဂုဏ်ပြု မှတ်တမ်းလွှာများအား သင်တန်းသားများထံ ပေးအပ်ခဲ့ပြီး သင်တန်းသားတစ်ဦးက ကျေးဇူးတင်စကားပြန်လည် ပြောကြားခဲ့သည်။
အဆိုပါသင်တန်းကို ၂၀၂၁ခုနှစ် ဒီဇင်ဘာ ၁ ရက်နေ့မှ ၂၀၂၂ခုနှစ် ဖေဖော်ဝါရီ ၂၈ရက်နေ့အထိ သင်တန်းကာလ သုံးလကြာဖွင့်လှစ်ခဲ့ပြီး သင်တန်းတွင် သင်တန်းသား ၂၆ ဦးအား စိုက်ပျိုးရေး၊ မွေးမြူရေးဆိုင်ရာများ၊ ဆပ်ပြာဆီ၊ ဆပ်ပြာခဲ နှင့် Hand Gel ပြုလုပ်နည်းများ၊ ဆိုင်ကယ်ပြုပြင်ရေး၊ အုတ်ရိုက်၊ တံဆိပ်ရိုက်၊ မုန့်ဖုတ်နှင့် ဆံသစသည့်ပညာရပ်များကို စာတွေ့၊လက်တွေ့ သင်ကြားပို့ချပေး ကြောင်း အဆိုပါစခန်းမှ သိရသည်။
သတင်း - ကိုဆက်
မြန်မာနေရှင်နယ်ပို့စ်
No comments:
Post a Comment