MNP - မတ် ၃၁
ကရင်ပြည်နယ်၊ ဘားအံမြို့ရှိ ဇွဲကပင်တောင်၌ ယနေ့ (မတ်လ ၃၁ ရက်) နံနက်ပိုင်းက အမျိုးသမီးတစ်ဦး ပျောက်ဆုံးနေသဖြင့် မီးသတ်တပ်ဖွဲမှ ရှာဖွေ ကယ်ဆယ်ရေးလုပ်ငန်း စတင်လုပ်ဆောင်နေကြောင်း ဒေသခံများက ဆိုသည်။
အမည်မသိ အမျိုးသမီးတစ်ဦးနှင့် အမျိုးသားတစ်ဦးတို့သည် ယမန်နေ့ မွန်းလွဲ ၁ နာရီအချိန်ခန့်တွင် ဇွဲကပင်တောင်ပေါ်သို့ ဆိုင်ကယ်ဖြင့် တက်လာခဲ့ကြပြီး ညနေဘက်တွင် အတူလာသူအမျိုးသားမှာ ပြန်သွားခဲ့သော် အမျိုးသမီးမှာ ၎င်းတို့စီးနင်းလာသည့်ဆိုင်ကယ်ကိုသာကို တွေ့ရှိရပြီး လူမှာ ယခုအချိန်အထိ မတွေ့ရှိရဘဲ ပျောက်ဆုံးနေခြင်းဖြစ်ကြောင်း ဒေသခံ လူမှုကူညီအဖွဲ့များနှင့် မီးသတ်ဦးစီးဌာန က သိရသည်။
အဆိုပါ ဇွဲကပင်တောင်ပေါ်တွင် ပြီးခဲ့သည့် ၂၀၂၀ ခုနှစ်၊ ဇွန်လအတွင်းကလည်း အသက် ၂၀ အရွယ် တက္ကသိုလ်ကျောင်းသူတစ်ဦးမှာ မိမိကိုယ်ကို အဆုံးစီရင်သည့်အနေဖြင့် တောင်ပေါ်မှ ခုန်ချသေဆုံးခဲ့သလို ဇူလိုင်လအတွင်း၌လည်း အသက် ၂၀ အရွယ် အမျိုးသားတစ်ဦး ဇွဲကပင်တောင်ပေါ်မှ ပြုတ်ကျသေဆုံးခဲ့ဖူးသည် ဟုဒေသခံများက ဆိုသည်။
မြန်မာနေရှင်နယ်ပို့စ်
No comments:
Post a Comment